Խնդրում ենք սպասել...

Հոդվածներ

Էդմոն Մարուքյանի կողմից ոչ մի հայտարարություն չի եղել. Լիլիթ Հովակիմյան

14:24, երեքշաբթի, 13 օգոստոսի, 2019 թ.
Էդմոն Մարուքյանի կողմից ոչ մի հայտարարություն չի եղել. Լիլիթ Հովակիմյան

Լիլիթ Հովակիմյանն իր ֆեյսբության էջում գրում է. «Էդմոն Մարուքյանի կողմից ոչ մի հայտարարություն չի եղել

Հատուկ ուզում եմ նշել, որ այսօր չեմ ալարել և ուսումնասիրել եմ Արման Բաբաջանյանին վերաբորող մի քանի նյութեր... Պարզվում է, որ Արման Բաբաջանյանը ունի այդպիսի սովորություն՝ հնչեցնել մեղադրանքներ տարբեր մարդկանց հասցեին, չմանրամասնել դրանք և հետո ասել, թե ով համաձայն չէ, թող դիմի դատարան, բայց դրա հետ մեկտեղ զգուշացնել, թե կոռեկտ կլինեք ձեր հայտարարություններում, քանի որ չեմ հանդուրժի... և այլն, և այլն: Հատկապես պարոն Բաբաջանյանը սիրում է տարբեր անձանց հասցեին հնչեցնել /այստեղ՝ ուշադրություն/ ՛քրեական անցյալ ունի՛ բառակապակցությունը: Սա հատկապես զավեշտալի է հաշվի առնելով Արման Բաբաջանյանի քրեական անցյալը...
     Արման Բաբաջանյանի հիշողությունը շատ բարեհաջող կերպով տեղ-տեղ մթագնում է: Իր այսօրվա սրտաճմլիկ գրառումը նա սկսել է 1999 թվականից: Ուզում եմ հատուկ հարց հղեմ իրեն և հարցնեմ՝ արդյո՞ք ինքը չի հիշում 1999 թվականին նախորդած թալանի տարիները: Թե՞ Լևոն Տեր-Պետրոսյանի պաշտոնավարման ժամանակ Արման Բաբաջանյանի ընտանիքը լավ է ապրել: Ինչևիցե...
     Քանի որ Արման Բաբաջանյանը 2018 թվականի ԱԺ ընտրություններից ի վեր իր ուշադրությունը առավելապես սևեռում էր դիվանագիտական կորպուսի վրա՝ քննադատելով գրեթե բոլոր դեսպաններին և պարբերաբար նաև անդրադառնում էր մարտի 1-ի դեպքերին, բայց բացառապես սեփական փիառի համատեքստում, վերջին օրերին իր կողմից դրսևորվող ակտիվությունը ՀՀ 3-րդ նախագահ Սերժ Սարգսյանի վերաբերյալ խիստ կասկածելի է:
     Արման Բաբաջանյանը ԱԺ-ում հանդիսանում է ՙՙԼուսավոր Հայաստան՚՚ կուսակցության ֆրակցիայի անդամ և այդպիսով չի կարող որպես պատգամավոր հանդես գալ այսպիսի հայտարարություններով՝ առանց դրանք իր անմիջական վերադասի հետ համաձայնացնելու: Քանի որ Էդմոն Մարուքյանի կողմից ոչ մի հրապարակում այս առումով չի եղել, կարելի է ենթադրել, որ պարոն Մարուքյանը համաձայն է Արման Բաբաջանյանի արտահայտած այն մտքի հետ, որ մարտի 1-ի ողբերգության առաջին և միակ շահառուն Սերժ Սարգսյանն է:
     Ավելորդ է նշել, որ այդ գաղափարը ուղղակիորեն հակասում է ՀՀ վարչապետի պաշտոնը զբաղեցնող անձի հայտարարություններին:
     Կասկածից վեր է այն, որ պարոն Բաբաջանյանը այս արշավը չի սկսել սեփական նախաձեռնությամբ, և այստեղ առաջանում են հարցեր, մասնավորապես՝ ովքե՞ր են շահագրգռված, որպեսզի Արցախի հերոս Սերժ Սարգսյանի անունը խառնված լինի մարտի 1-ի ողբերգական դեպքերի հետ և ի՞նչ են շահելու այդ պատվիրատուները, եթե, օրինակ, Սերժ Սարգսյանի ստատուսը փոխվի և նա մարտի 1-ի գործում ներգրավվի այլ կարգավիճակով:
     Այս ամենը կարող է ունենալ միայն մեկ բացատրություն: Արդեն մեկ տարուց ավել է, ինչ մեր հայրենիքը գտնվում է նոր իշխանությունների ձեռքում: Կասկած չկա, որ այս ողջ ընթացքում իշխանական ուժերի ողջ զինանոցը օգտագործվում էր մեկ անձի վրեժի ծարավը բավարարելու համար: Թերևս չկարողանալով գտնել Սերժ Սարգսյանին որևէ քիչ թե շատ հիմնավոր մեղադրանք ներկայացնելու հիմք՝ այժմ Արման Բաբաջանյանի միջոցով փորձ է կատարվում արատավորել ՀՀ 3-րդ նախագահի անունը:
     Եզրափակելով ուզում եմ ասել հետևյալը՝ չի ստացվի: Եվ հետո, կարծում եմ, որ ռմբարկուն սխալ է ընտրված: Արցախի հերոսի անունը արատավորելու փորձեր կատարելու համար պետք է ընտրել այնպիսի անբասիր մարդու, որը ունենա առնվազն Սերժ Սարգսսյանի չափ հեղինակություն»:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2193 | 0 | 0
Facebook