Խնդրում ենք սպասել...

Հոդվածներ

Սահմանադրությունը անկախ պետականության կարևորագույն խորհրդանիշներից է

17:30, ուրբաթ, 05 հուլիսի, 2019 թ.
Սահմանադրությունը անկախ պետականության կարևորագույն խորհրդանիշներից է
     Սիրելի՛ հայրենակիցներ,
     Սրտանց շնորհավորում եմ բոլորիս Հայաստանի Հանրապետության Սահմանադրության օրվա առթիվ: 1995 թվականին մեր պետությունն ու ժողովուրդը վերահաստատեցին ժողովրդավարական արժեքների արմատավորման, քաղաքացիական հասարակության ձևավորման ուղիով ընթանալու իրենց հաստատակամությունն ու վճռականությունը: Սահմանադրության ընդունումն, իհարկե, ունի նաև բացառիկ պատմական նշանակություն: Այն անկախ պետականության կարևորագույն խորհրդանիշներից և օրենքի առաջ բոլորիս հավասարության հիմնական երաշխավորներից մեկն է:
     1995 թ. այս օրը համաժողովրդական հանրաքվեով ընդունված, ապա 2005 և 2015 թվականներին փոփոխված ՀՀ Սահմանադրությունը պետք է ամուր հիմք հանդիսանա մեր երկրի հետագա բարգավաճման և հզորացման համար:
     Եվս մեկ անգամ շնորհավորելով կարևորագույն այս օրվա առթիվ՝ հույս եմ հայտնում, որ միասնական ջանքերով մենք կարող ենք կերտել այնպիսի պետություն, որտեղ ապահովված կլինեն Սահմանադրությամբ ամրագրված մարդկանց հիմնարար ազատություններն ու իրավունքները:
     Աստված պահապա՛ն մեզ բոլորիս:
    
    
     Գագիկ Ծառուկյան
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1079 | 0 | 0
Facebook
COMMENT.am