Խնդրում ենք սպասել...
COMMENT.am

Հոդվածներ

Կրթել ու դաստիարակել են մի ամբողջ սերունդ

19:12, երկուշաբթի, 01 հուլիսի, 2019 թ.
Կրթել ու դաստիարակել են մի ամբողջ սերունդ
     ՈՒսումնական պրոցեսը հատեց վերջնագիծը: Տարվա ընթացքում, ուսմանը զուգահեռ, Աբովյանի N1 արհեստագործական պետական ուսումնարանի ուսանողները քաղաքի տարբեր կազմակերպություններում անցկացրեցին իրենց արտադրական ուսուցման պրակտիկաները, տեսական գիտելիքները զուգորդեցին մասնագիտական կարողություններով, վարպետ-դաստիարակների հետ միասին աշխատաշուկայում աչքի ընկած, հմուտ, գործին նվիրված, անվանի արհեստավորների միջոցով հարստացրեցին իրենց գիտելիքները:
     ՈՒ այս ամենը հնարավորություն ընձեռեց ուսանողներին հաջողությամբ հանձնել պետական ամփոփիչ ստուգման և որակավորման քննությունները:
     Կատարված աշխատանքների, ձեռք բերված արդյունքների, հետագա անելիքների մասին էր այսօր կայացած 2018-2019 ուս տարվա մանկավարժական խորհրդի վերջին նիստը: Քննարկման ավարտին ուսումնարանի տնօրեն Մամիկոն Շահբազյանը գոհունակությամբ նշեց, որ ուսումնարանի մանկավարժները հաջողությամբ են կատարել իրենց առջև դրված բոլոր պարտականությունները, կրթել ու դաստիարակել են մի ամբողջ սերունդ, որոնք վաղը պիտանի են դառնալու մեր պետությանն ու մեր ժողովրդին:
    
     Օվսաննա Չափարյան
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1202 | 0 | 0
Facebook