Խնդրում ենք սպասել...
Այսօր`  հինգշաբթի, 19 սեպտեմբերի, 2019 թ.

Հոդվածներ

Կոտայքի մարզպետի շնորհավորական ուղերձը Վերջին զանգի առիթով

13:52, ուրբաթ, 24 մայիսի, 2019 թ.
Կոտայքի մարզպետի շնորհավորական ուղերձը Վերջին զանգի առիթով

Սիրելի´ շրջանավարտներ,

ջերմորեն շնորհավորում եմ Վերջին զանգի տոնի առիթով:

Այսօր դուք թերթում եք ձեր կյանքի ամենակարևոր ու հիշարժան էջերից մեկն ու մուտք գործում պատասխանատվությամբ լի նոր կյանք:

Ձեր կուտակած գիտելիքները, հույզերն ու հիշողություններն ուղեկցելու են ձեզ նաև հասուն կյանքում:

Այն մանկավարժները, ովքեր հարազատ մոր նման կրթել ու դաստիարակել են ձեզ, հավերժ մնալու են ձեր հուշերում:

Նոր կյանք մտնելիս` հիշե´ք, որ դուք ապրում եք ազատ, անկախ ու հաղթանակած պետությունում: Պետություն, որը երաշխավորն է ձեր կրթության և իրավագիտակից քաղաքացի կերտելու գործում:

Այսօրվանից սկսած՝ ակնկալելու ենք նաև ձե՛ր աջակցությունն ավելի արդար, ամուր ու հզոր երկիր կառուցելու գործում:

Հավատացե´ք ձեր ուժերին, երբեք ոչնչից մի´ վախեցեք ու միշտ առաջ սլացեք:

Եվս մեկ անգամ, շնորհավո՜ր:
    
    
     ՀՀ Կոտայքի մարզպետ Ոմանոս Պետրոսյան

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1489 | 0 | 0
Facebook
COMMENT.am