Խնդրում ենք սպասել...

Հոդվածներ

Աշխատանքային խորհրդակցություն Կոտայքի մարզպետարանում

19:42, երկուշաբթի, 20 մայիսի, 2019 թ.
Աշխատանքային խորհրդակցություն Կոտայքի մարզպետարանում

Կոտայքի մարզպետարանում աշխատանքային երկուշաբթին սկսվեց խորհրդակցությամբ:

Օրակարգում անհապաղ լուծում պահանջող միանգամից մի քանի կարևոր հարցեր էին, որոնց ուղղությամբ ամենօրյա ռեժիմով ակտիվ աշխատանքներ են տարվում:

Կոտայքի մարզպետը համապատասխան վարչության պետերին հանձնարարել է

• ներկայացնել տեղեկատվություն Աղբյուրակի ջրամբար՝ կոյուղաջրերի լցվելու պատճառների և խնդրի լուծման հնարավոր տարբերակների վերաբերյալ
     • ներկայացնել ամբողջական տեղեկատվություն մարզում առկա հեղեղատարների վիճակի և մաքրման աշխատանքների հնարավոր ծավալների մասին
     • ներկայացնել մարզում ավտոճանապարհների հատման թույլտվությունների քանակը և ճշտել տիրող իրավիճակը, ինչպես նաև ճշտել Ակունք համայնքի Նոր Գյուղ վարչական տարածքում Կոտայքի հաշվառման-քննական բաժանմունքի հարակից հատվածում ավտոկայանատեղիի կառուցման համար տարածքի անվարձահատույց տրամադրման աշխատանքների ընթացքը
     • ներկայացնել Աբովյանում քաղաքաշինական նորմերի և քաղաքի գլխավոր հատակագծի խախտմամբ կառուցապատման կանխարգելման դեպքի հետ կապված տեղեկատվություն:

Մարզպետը հանձնարարել է նաև շրջաբերականներ ուղարկել մարզի դպրոցներ՝ ևս մեկ անգամ հիշեցնելով, որ Վերջին զանգի հետ կապված բոլոր դրամահավաքները խստորեն արգելվում են:


    
     http://kotayk.mtad.am/news/item/2019/05/20/kotayk/

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3065 | 0 | 0
Facebook