Քարին էլ շունչ տաք, քարը կթնդա,
Արձագանք կտա տատանման թափին,
Մատույրի համար ծոցը իր կնկա
Խուլ մի հնչյուն է, ի՞նչ երնեկ դափին։
Նեղության մեջ է մարդը թերանում,
Թե տանուլ տալու օյինն է անպետք,
Խուժ ու պլուզը, թևեր են առնում,
Նազարի նման մոլորվում անհետք։
Կենտակ եզները իրարից անլուր
Թաթ ու կրունկի ճաքերն են հաշվում,
Իմաց տալու պես ժաժք եղավ մի թույլ,
Հաջորդ ցնցումի ձայնն է ինձ հասնում։