Խնդրում ենք սպասել...
Այսօր`  կիրակի, 22 սեպտեմբերի, 2019 թ.

Հոդվածներ

Տեսականորեն ոչինչ չի փոխվել

23:59, երկուշաբթի, 13 մայիսի, 2019 թ.
Տեսականորեն ոչինչ չի փոխվել

Տեսականորեն ոչինչ չի փոխվել,
     Ածանցելի են մահ ու հարսանիք,
     Դեմ առնելով են սրերը բախվել,
     Անձայնությանը էլ ոնց անսայիք։
     Մեկից ավելը թիվ է հոգնակի,
     Վարանամիտ են Տերն ու սատանան․
     Մարդը մարդուն էլ անվերջ ծանակի,
     Մասնավոր դեպք է միայն թառանան։
     Շեղված գեներով քանիսը եկան,
     Բերանացի են նրանց թվարկում,
     Անհամառոտ է պատումը, երկար,
     Առոգանությամբ ողջն են վանկարկում։
     Քարատակերից մինչև երկնաքերծ
     Աչքի մի թարթ է, հնարը՝ միջոց,
     Տիկ հանելով է մարդը մորթազերծ,
     Հորթի կաշվից են բառքը սուրբ գրոց։

Ծնրադիր տեղդ մի հափուռ հող է,
     Կեղծ խնկարկության անունը` քասիդ,
     Մահերգ թե ներբող մի քանի տող է,
     Մորմոքդ պահ տուր խորքերում թասիդ։

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1840 | 0 | 0
Facebook
COMMENT.am