Աբովյանի Ն.Վանյանի անվան N5 հիմնական դպրոցի 9-րդ դասարանում «Ֆիզկուլտուրա» առարկայի ուսուցչուհի Ռիտա Քեշիշյանը «Առողջ ապրելակերպի» շրջանակներում անցկացրեց բաց դաս «Ալկոհոլ, ծխախոտ, թմրանյութ» խորագրով: Ուսուցչուհին խոսեց այդ վնասակար սովորությունների մասին, մատնանշեց դրանց բացասական ազդեցությունը մարդու առողջության վրա: Դասի ընթացքում աշակերտները հարց ու պատասխանի միջոցով ընդլայնեցին իրենց գիտելիքները: Դասն անցավ բազմաբովանդակ ու հետաքրքիր: «Այդ դասերը շատ կարևոր են անչափահասների համար և միտված են ետ պահել աշակերտներին վնասակար սովորություններից», - նշեց ֆիզկուլտուրայի ուսուցչուհին, հավելելով, որ նման դասերը շարունակական կլինեն: