Դրսում ձմե՛ռ է, ձմե՛ռ է, ձմե՛ռ,
Դաշտ ու այգիներ սառե՛լ են, սառե՛լ
Բայց իմ սրտի մեջ գարուն է, գարու՛ն,
Իմ երակներում արյունն է եռում:
Ձմռան այս ցրտին արև եմ տեսնում,
Ձմռան այս ցրտին գարուն եմ տեսնում,
Աչքիս ծաղիկ է գարնան երևում,
Գարնան բուրմունք է իմ քիթը առնում:
Ուզում եմ ծաղկին իմ ձեռքն առնել,
Անվերջ ու անվերջ գարնան հոտ առնել,
Ուզում եմ շուրջս ջերմություն տեսնել,
Ուզում եմ գարնան սիրով ես ապրել:
Իմ սրտում միայն գարո՜ւն է, գարո՜ւն
Ինչ եղանակ էլ որ լինի դրսում:
Սերյոժա Հովհաննիսյան «Վարդագույն լույսեր»
