Այսօր Աբովյանի N1 արհեստագործական պետական ուսումնարանում տեղի ունեցած մանկավարժական խորհրդի նիստում արծարծվեցին ուսումնարանի բնականոն աշխատանքներին վերաբերող բազմաթիվ հարցեր:
Նիստը վարող, ուսումնարանի ուսումնական մասի վարիչ Սերգեյ Խաչատրյանը ներկաներին ծանոթացրեց ավարտական քննությունների ժամանակացույցին:
Նիստին մասնակցած, ուսումնարանի վարպետները, առարկայական մեթոդ-միավորումների նախագահները, մանկավարժները քննարկեցին նաև ավարտական քննությունների հարցաշարերը, առաջարկությունների կարգով կատարեցին մի շարք լրացուցիչ ճշտգրտումներ:
Քննարկված հարցերի առթիվ մանկավարժական խորհրդի նիստը ընդունեց համապատասխան որոշումներ, հաստատեց ավարտական քննությունների ժամանակացույցը, մոդուլային ավարտական քննությունների հարցաշարերը, ավարտական քննությունների հանձնաժողովների կազմերը: