Խնդրում ենք սպասել...

Հոդվածներ

Հումոր. «Ընդամենը կես ժամ է, ինչ ռուս եմ, ու ո՜նց եմ ձեզ՝ հրեաներիդ, ատում»

17:14, երկուշաբթի, 15 ապրիլի, 2019 թ.
Հումոր. «Ընդամենը կես ժամ է, ինչ ռուս եմ, ու ո՜նց եմ ձեզ՝ հրեաներիդ, ատում»

Դպրոցից տուն դարձած Աբրահամը մորն հարցնում է.

-Մայրի՛կ, դպրոցում մեզ հարցրեցին, թե ինչ ազգության ենք պատկանում: Ասա՛ ինձ, ես հրեա՞ եմ, թե ռուս:

Մայրը հարցին հարցով է պատասխանում.

-Իսկ դու ի՞նչ պատասխան տվեցիր:

-Ասացի, թե ռուս եմ:

-Դե որ այդպես է, Աբրահամիկ, սրանից հետո քո սիրած տորթերի ու թխվածքաբլիթների երեսը չես տեսնի, ռուսների նման բուտերբրոդներ կուտես:

Աբրահամը մոտենում է հորը:

-Հայրի՛կ, ես ռո՞ւս եմ, թե հրեա:

Հայրը հարցնում է.

-Իսկ դու քեզ ռո՞ւս ես համարում, թե հրեա:

_Կարծում եմ՝ ռուս եմ:

-Ուրեմն այդ կարծիքի՞ն ես: Դե՛ լավ, բայց նկատի առ, որ այսուհետև գրպանումդ փող չես ունենա՝ ինչպես ռուսները: Բակի տաղավարում նրանց նման կնստես ու կսկսես աջ ու ձախ թքոտել:

Տխրամած Աբրահամը մոտենում է տատին:

-Աբրահամի՛կս, ինչո՞ւ ես այդպես շփոթված:

-Տատի՛կ, դպրոցում երբ հարցրեցին՝ հրեա՞ եմ ես, թե ռուս, պատասխանեցի, թե ռուս եմ:

-Ռո՜ւս ես: Դե որ այդպես է, ծննդյանդ օրը հեծանիվ չես ունենա, ու նաև հույս չունենաս, թե ուրիշ թանկարժեք նվերներ կստանաս:

Նեղսրտած ու հուսահատված Աբրահամը մտնում է իր սենյակ ու չարությամբ մռթմռթում.

-Ընդամենը կես ժամ է, ինչ ռուս եմ, ու ո՜նց եմ ձեզ՝ հրեաներիդ, ատում:

*****

Աբրահամը դիմում է Մոշեին.

-Իմ տանը խուզարկություն է լինելու: Խնդրում եմ՝ փողերս սեյֆումդ պահիր:

-Տիկի՛նս, երեխանե՛ր, այստե՛ղ եկեք: Տեսնո՞ւմ եք, հարևանը եկավ, ինձ փող հանձնեց, ես այն հաշվեցի ու դրեցի սեյֆը:

-Այո՛, այո՛, տեսա՛նք, - պատասխանում են կինն ու երեխաները:

Մեկ շաբաթ անց Աբրահամը նորից գալիս է հարևանի տուն:

-Աբրահա՛մ, շնորհակա՛լ եմ, խուզարկությունն ավարտվեց, ոչինչ չգտան, հիմա, խնդրում եմ, փողս վերադարձրու:

Մոշեն նորից կանչում է կնոջն ու երեխաներին.

-Մեկ շաբաթ առաջ մեր հարևանն ինձ փող պահ տվե՞ց:

-Ո՛չ, միաձայն պատասխանում են կինն ու երեխաները:

-Ես այդ փողը վերցրեցի ու սեյֆը դրեցի՞:

-Ո՛չ, ո՛չ, պատասխանում են կինն ու երեխաները:

Մոշեն բացում է սեյֆը և ամբողջ գումարը վերադարձնում է Աբրահամին: Աբրահամը զարմացած հարցնում է.

-Բայց ինչի՞ համար էր այս ներկայացումը:

-Որպեսզի տեսնես, - պատասխանում է Մոշեն, - թե ինչպիսի սրիկաների հետ եմ ապրում:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
2155 | 0 | 0
Facebook