Հնարավոր չէ նախապես ընտրել երեխայի սեռը: Միակ տարբերակն արտամարմնային բեղմնավորումն է, իսկ ժողովրդական միջոցները, որոնք ծնունդ են հավատալիքների, արդյունավետ չեն:
Օրինակ` միջնադարում արու զավակ ցանկացող կնոջը խորհուրդ են տվել ուտել ճագարի ամորձիները, իսկ աղջիկ երեխա ցանկացողներին` ճագարի արգանդը:
Իսկ հին Հունաստանում կարծել են, թե տղա երեխա սաղմնավորելու համար հարկավոր է ուտել աջ ամորձին, իսկ աղջկա համար` ձախ ամորձին: Աղջիկ ունենալու համար պետք է սեռական հարաբերության ընթացքում սեղմել աջ ամորձին, իսկ տղա ունենալու համար` ձախ ամորձին:
Հնում նաև կարծել են, թե լուսինը մեծ դեր է խաղում բեղմնավորման գործում: Կիսալուսինը նպաստում է տղա երեխա սաղմնավորելուն, իսկ լիալուսնի ժամանակ սաղմնավորված երեխան աղջիկ է լինելու:
Եվս մեկ մոլորություն. կարծել են, թե սեռական հարաբերությունն օդի բարձր ջերմաստիճանի պայմաններում ապահովում է տղա երեխայի սաղմնավորում:
Նաև համոզմունք է եղել, թե սեռական հարաբերության ժամանակ անկողնում եղինջի առկայությունը նույնպես ապահովում է տղա երեխայի սաղմնավորում:
Բայց մի շարք գործոններ մեծացնում են տղա կամ աղջիկ երեխա ունենալու հավանականությունը:
Կալցիումով և մագնեզիումով հարոստ սնունդը կարող է նպաստել աղջիկ երեխայի ծննդի: Նշված տարրերն առկա են թարմ ձկան, հավկիթի դեղնուցի, կանաչ բանջարեղենի, բրնձի, արքայամորու, ելակի և կիվիի մեջ: Իսկ նատրիումով և կալիումով հարոստ սնունդը տղա երեխա ունենալու ավելի մեծ շանս է տալիս: Նշված տարրերն առատ են ապխտած մսի և ձկան, կարտոֆիլի, ոսպի և բանանի մեջ:
Այս մեթոդը հիմնված է այն գաղափարի վրա, որ սննդային սովորույթների փոփոխությունները փոփոխում են հեշտոցային արտազատումները` նպաստելով X և Y սերմնաբջիջների (սպերմատոզոիդներ) շարժունակությանը: Այս սննդակարգին պետք է հետևել բեղմնավորումից առաջ և շարունակել մինչև հղիանալը:
Սեռական հարաբերության պլանավորում
Ըստ այլ հետազոտությունների` Y սերմնաբջիջներն ավելի արագաշարժ են, բայց ավելի արագ են մեռնում, քան X սերմնաբջիջները Երբ սեռական հարաբերությունը տեղի է ունենում ձվազատման (օվուլյացիա) ամսաթվից չորս կամ հինգ օր առաջ, Y սերմնաբջիջները մինչև ձվիկին (օվուլ) հանդիպելն արդեն մեռած են լինում` «ասպարեզը» թողնելով X սերմնաբջիջներին: Եթե ուզում եք տղա ունենալ, պետք է նախորդ օրերին ձեռնպահ մնաք հարաբերությունից:
Հետևեք օրացույցին և ձվազատման ամսաթվին
Տղա կամ աղջիկ սաղմնավորելու հավանականության օրեր կան: Դրա համար կինը պետք է իմանա իր ձվազատման ամսաթիվը:
