Խնդրում ենք սպասել...
Այսօր`  չորեքշաբթի, 27 մարտի, 2019 թ.

Հոդվածներ

«Վերագնահատի՛ր արժեքները» (բախտագուշակ)

00:53, չորեքշաբթի, 13 մարտի, 2019 թ.
«Վերագնահատի՛ր արժեքները» (բախտագուշակ)

Ինչ եմ ասելու ես այս հանդեսին,

Երբ քաղաքային մանրապատումն իմ,
     Ցամաք ձորերի սատկած աղվեսին
     Տնկեցի նման ձգեց անհայտին։
     Խորամանկելու այլ մի շարժառի՞թ
     Եվ կամ քծնելու հավելյա՞լ պատճառ,
     Անախորժ բան է հմայքը բառիդ,
     Բայց զրնգուն է ոնց դատարկ տակառ։
     Դիոգենեսն ու Մակեդոնացին,
     Մեծ Ալեքսանդրն ու պիթոսի գերին,
     Ում հետնորդները շուն էլ մնացին,
     Սակայն նվիրված ժուժկալ տերերին։
     -Ցանկացած մի բան, ինչ էլ որ խնդրես,
     Թե կուզես անգամ ձանձրույթդ ցրես,
     Ի կատար կածեմ, ճգնավոր անտեր․․․
     -Արևս ես ծածկել, մի կողմ գնա, տեր։
     Ճակատագրի հեգնանքի կորը․․․
     Նա տեսավ Մեծին, ոչ մեծությունը,
     Իսկ Մեծը՝ շանը, ոչ շնությունը,
     Երկուսն էլ մեռան միևնույն օրը։

պիթոս- հացահատիկի պահպանման համար նախատեսված կավե անոթ
     Ալեքսանդրը և Դիոգենեսը մահանում են նույն օրը` մ.թ.ա. 323 թվականի հունիսի 10-ին

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
945 | 0 | 0
Facebook
COMMENT.am