Խնդրում ենք սպասել...

Հոդվածներ

Աշխարհի գանձերն անգամ մարդու գանգում բույն դրած ցանկություներին չեն կարող գոհացում տալ

21:18, շաբաթ, 02 մարտի, 2019 թ.
Աշխարհի գանձերն անգամ մարդու գանգում բույն դրած ցանկություներին չեն կարող գոհացում տալ

Սուֆիական մի հայտնի պատմություն ասում է, թե մի թագավոր իր ամենաօրյա առավոտյան զբոսանքի ճանապարհին մի մուրացկանի է տեսնում ցցված:

-Ի՞նչ ես ուզում, - հարցնում է թագավորը մուրացկանին:

-Այդ հարցը տալով` կարծես ուզում ես ասել, թե դու հնարավորություն ունես ինձ գոհացնե՞լ, - արձագանքում է մուրացկանը:

Խղճուկ մուրացկանը խոցել էր թագավորի ամբարտավանությունը.

-Կասկած լինել չի կարող, որ ես ի վիճակի եմ կատարել քո ցանկությունները: Ի՞նչ ես ուզում, ասա':

Մուրացկանը նրան զգուշացնում է.

-Պատասխանելուց առաջ երկու անգամ մտածիր:

Մուրացկանի հայտնվելը թագավորի ճանապարհին պատահականություն չէր: Նախկին կյանքում նա եղել էր թագավորի հոգևոր ուսուցիչը և խոստացել էր նրան արթնացնել հաջորդ կյանքում. «Դու այս անգամ չհաջողեցիր, բայց ես նորից քո ճամփան կկտրեմ», - հայտարարել էր նա:

Թագավորն իր նախկին կյանքում տեղի ունեցած այդ խոսակցությունը չէր հիշում և շարունակեց պնդել իր պահանջը.

-Ես հարուստ եմ ու հզոր, դու ի՞նչ կարող ես խնդրել, որ ես չկարողանամ քեզ տալ:

-Հասարակ բան, - պատասխանում է մուրացկանը, - գավաթս լիքը լից:

Թագավորը կանչում է իր վեզիրներին և կարգադրում նրա գավաթը լցնել ոսկեդրամներով: Բայց որքա~ն մեծ է լինում նրանց բոլորի զարմանքը, երբ նկատում են, որ գավաթի մեջ ընկնող դրամներն անհետանում են: Լուրն այն մասին, որ թագավորը չի կարողանում լցնել մի խղճուկ մուրացիկի գավաթը, կայծակի արագությամբ տարածվում է: Թագավորն անհանգստանում է ու վեզիրներին ասում.

-Եթե նույնիսկ ամբողջ թագավորությունս արժենա, պիտի գավաթը լցնել. ես չեմ կարող համակերպվել այս բոկոտնի ծաղրի առարկան դառնալու մտքի հետ:

Վեզիրները գավաթի մեջ են լցնում մարգարիտներ, զմրուխտներ և այն ամեն ակնեղենը, որ կար թագավորի գանձարանում: Բայց գավաթը դարձյալ դատարկ է մնում:

Երեկոն վրա է հասնում, ամբոխը լուռ ու մունջ սպասում է հետագա ընթացքին: Թագավորն հանկարծ զգում է, որ իրեն լքում է գերազանցության զգացումն այդ թշվառականի նկատմամբ: Նա խոնարհվում է մուրացկանի առաջ և ասում.

-Դու հաղթեցիր, ընդունում եմ: Բայց ասա ինձ, այս կախարդական գավաթը ինչի՞ց է պատրաստված:

-Մարդու գանգից, - պատասխանում է մուրացկանը, այն շինված է մտքերից, ցանկություններից, և դրանում է նրա գաղտնիքը:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
| | |
1897 | 0 | 0
Facebook