Խնդրում ենք սպասել...

Հոդվածներ

Որտե՞ղ է թաքցված մարդու աստվածային զորությունը

20:22, ուրբաթ, 01 մարտի, 2019 թ.
Որտե՞ղ է թաքցված մարդու աստվածային զորությունը

Հինդու դավանանքի մաս կազմող առասպելներից մեկը պատմում է, թե եղել է մի ժամանակ, երբ բոլոր մարդիկ աստվածներ են եղել: Բայց այդ մարդիկ այնքան են չարաշահում իրենց աստվածային զորությունը, որ Բրահման` արարիչ աստվածը, որոշում է նրանցից հանել այդ աստվածային զորությունը և այն թաքցնել մի այնպիսի վայրում, որտեղ նրանց մտքով չի անցնի փնտրել, ու նրանք այն չեն կարողանա գտնել:

Այս խնդիրը լուծելու համար ժողովի հրավիրված կրտսեր աստվածներն առաջարկում են մարդու աստվածային զորությունը թաղել հողում:

Բայց Բրահման պատասխանում է. «Դա ապարդյուն կլինի, որովհետև մարդը կփորի հողն ու այն կգտնի»:

«Այդ դեպքում մարդու աստվածային զորությունը նետենք օվկիանոսի ամենախորը հատակը», ասում են աստվածները:

Բայց Բրահման նորից առարկում է. «Ո'չ, որովհետև վաղ, թե ուշ մարդը կհետազոտի օվկիանոսի խորքերն ու մի օր հաստատ այն կգտնի ու մակերես կհանի»:

Այդժամ կրտսեր աստվածներն հուսահատված ասում են. «Մենք չգիտենք որտեղ թաքցնել, որովհետև կարծես թե գետնի վրա կամ ծովում մի տեղ չկա, ուր մարդը մի օր չկարողանա հասնել»:

Եվ Բրահաման նրանց ասում է.

«Մարդու աստվածային էության հետ այսպես կվարվենք. Մենք այն կթաքցնենք հենց իր մարմնի խորքերում, որովհետև դա միակ վայրն է, որտեղ նա երբեք չի մտնի փնտրելու»:

Այդ ժամանակից ի վեր, եզրակացնում է առասպելը, մարդը պտտվում է աշխարհի շուրջը, հետազոտում է, բարձրանում է, իջնում, սուզվում է, փորում, որպեսզի գտնի այն, ինչն իր մեջ է:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
| | |
2101 | 0 | 0
Facebook