Խնդրում ենք սպասել...

Հոդվածներ

Գործադիրը մտադիր է մինչև 2023-ը վերացնել ծայրահեղ աղքատությունը

13:15, չորեքշաբթի, 06 փետրվարի, 2019 թ.
Գործադիրը մտադիր է մինչև 2023-ը վերացնել ծայրահեղ աղքատությունը

ՀՀ կառավարությունը նպատակադրվել է մինչև 2023 թվականը վերացնել ծայրահեղ աղքատությունը, էապես նվազեցնել աղքատությունը: Այս կետն ամրագրված է գործադիրի 5-ամյա ծրագրում:

Նշվում է, որ այս նպատակի իրագործման համար առանցքային նշանակություն են ունենալու բնակչության աղքատ խավի շրջանում կրթության և աշխատանքի քաջալերումը, գործարարությունը խթանող ծրագրերի իրականացումը:

«Պարբերաբար բարձրացվելու են պետական կենսաթոշակների չափերը՝ ապահովելով միջին կենսաթոշակի չափի առաջանցիկ աճ՝ գնաճի նկատմամբ։ Բարեփոխվելու է նաև կուտակային բաղադրիչը՝ խրախուսելով կուտակային միջոցների ներդրումը Հայաստանի Հանրապետությունում», - նշված է կառավարության ծրագրում:

Նշվում է նաև, որ կառավարությունը հաստատակամ է մինչև 2023 թվականը գործազրկությունն էապես կրճատելուն:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
4142 | 0 | 0
Facebook