Խնդրում ենք սպասել...

Հոդվածներ

Դեմ ենք հիմներգի փոփոխմանը

sasun tevosyan
Հեղինակ`
sasun tevosyan
22:02, հինգշաբթի, 31 հունվարի, 2019 թ.
Դեմ ենք հիմներգի փոփոխմանը

Կոչ` հորդորով, դիմում եմ ազգային հոգով դաստիարակված և ազգայնական կողմնորոշում ունեցող յուրաքանչյուրին, նաև նրանց, ովքեր մտահոգ են ազգի ճակատագրով և ապագայով: Այն որ ընտրողներից շատերը ընտրել են Իմ քայլը դաշինքին, չի նշանակում, թե ամեն հարցում պետք է համակարծիք լինել նրանց հետ և կողմ քվեարկել ազգի արժանապատվությունը նսեմացնող ստրկամիտ որոշումներին:

Մենք` ազգայնական կողմնորոշում ունեցողներս, դեմ ենք ազգային օրհներգի փոփոխմանը, առավել ևս, հնի վերադարձին: Սովետական ամեն մի հիշողություն մեզ հիշեցնում է 37 թվականը: Վերքը դեռ թարմ է, այն չի սպիացել: 1937 թվականին սովետական միությունը իրականացրեց իր իսկ ժողովրդի մասսայական և հետևողական կոտորածի, որը մեկ բառով, բայց տարբեր լեզուներով կոչվում է գենոցիդ, հոլոքոս, ցեղասպանություն, իսկ դուք` ռուսահպատակներդ, այդ մասին լռում եք:

Ամենախիստ ձևով զգուշացնում եմ ձեզ, եթե շարունակեք քննարկումները ու փորձեք փոփոխել ազգային հիմներգը, որը գրված է ազգային ոգով, հայրենասիրական ոճով, մարտական կոչով, սիրով, ցավով, մեծ կսկիծով, նաև կոչով, մենք ազգայնականներս միասնաբար դուրս կգանք փողոց հոծ բազմությամբ, շեբորներով ու թմբուկներով: Այն ինչ դուք արեցիք հանրապետականների հետ մենք կանենք ձեզ հետ: Քայլ անելուց առաջ լավ մտածեք ընկերներ, այն կարող է լինել ճակատագրական ձեզ համար:

Հայտարարության հեղինակ քաղաքական գործիչ` Սասուն Թևոսյան

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
4465 | 0 | 0
Facebook