Խնդրում ենք սպասել...
COMMENT.am
Այսօր`  չորեքշաբթի, 26 հունիսի, 2019 թ.

Հոդվածներ

Ոչի՜նչ…

20:24, ուրբաթ, 25 հունվարի, 2019 թ.
Ոչի՜նչ…
    
    
    

*

Ուզում եմ կիսել ճի՜չս խնդության,

Երբ որ քայլում եմ արծաթե ճամփով

Ա՜յն, որ լուսինն է բացում իմ առաջ

Գիշերվա փափո՜ւկ ու նուրբ ձեռքերով:

*

Քեզ հետ ուզում եմ տեսա՜ծս կիսել՝

Գիշերվա նա՜խշը սպիտակ անրջում,

Ուզում եմ քե՜զ էլ խելքահան անել-

Ինչպես որ ե՜ս եմ խելքս կորցնում:

*

Ուզո՜ւմ եմ նամակ գրել քեզ,

Աստղերի սառած ձեռքով հնգամատ,

Ուզում եմ նամակս բացե՜ս ու տեսնես,

Որ չկա՜ ոչինչ, բայց կա՜ ինչ-որ բան:

*

Ուզում եմ կիսել ամե՜ն-ամեն ինչ,

Բայց միայն լա՜վը, վատը մնա ինձ,

Կիսել երգերս ծնված կարոտից,

Սի՜րտս էլ կիսել - մնալ կիսասիրտ:

*

Սիրող սրտերը այնքա՜ն են մաքուր-

Ասես թե չունե՜ն իրենց մեջ ոչինչ,

Ասես թե մո՛ւժ են՝ թա՜նձր վարդագույն-

Ոչնչով կիսվո՜ւմ են, կիսո՜ւմ են ոչինչ…

*

Քեզանից բացի ո՞վ կհանդգներ

Իմ սիրտը կիսել՝

Խաղալ իմ սրտի բջիջների հետ,

Ո՞վ կհանդգներ իմ սիրտը փորել՝

Կիսվել իր սրտի ոչինչների հետ…

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1717 | 0 | 0
Facebook