Խնդրում ենք սպասել...

Հոդվածներ

ԿՈՏԱՅՔԻ ԹԵՄԻ ԱՌԱՋՆՈՐԴԻ ԱՄԱՆՈՐՅԱ ԵՒ ՍՈՒՐԲ ԾՆՆԴՅԱՆ ՇՆՈՐՀԱՎՈՐԱԿԱՆ ՈՒՂԵՐՁԸ

11:47, շաբաթ, 05 հունվարի, 2019 թ.
ԿՈՏԱՅՔԻ ԹԵՄԻ ԱՌԱՋՆՈՐԴԻ ԱՄԱՆՈՐՅԱ ԵՒ ՍՈՒՐԲ ԾՆՆԴՅԱՆ ՇՆՈՐՀԱՎՈՐԱԿԱՆ ՈՒՂԵՐՁԸ

իրելի հավատավոր հայորդիներ Կոտայքի թեմի,
     Կեչառիս պատմական վանքի լուսո խորանից շնորհավորում ենք ձեզ Ամանորի և Սուրբ Ծննդյան տոների առթիվ:
     Վերարժևորելով արդեն պատմության էջ դարձած 2018 թվականը՝ պետք է շեշտենք, որ այն նշանավորվեց հոգևոր կյանքում ունեցած մեր ձեռքբերումներով՝ թեմական այցեր հոգևոր համայնքներ, սոցիալական աջակցություն կարիքավոր ընտանիքներին և մասնակցություն կրթօջախների ներկայացրած հոգևոր-մշակութային միջոցառումներին: Տարին նշանավորվեց նաև Կեչառիս վանքի Սուրբ Գրիգոր Լուսավորիչ եկեղեցում քահանաների ձեռնադրությամբ:
     Տարեմուտը յուրատեսակ հաշվետվության մի շրջան է յուրաքանչյուրիս համար: Ավետարանական տնտեսի պես մեզանից յուրաքանչյուրը պատրաստվում է նախընթաց տարում իր արած-չարածի համար պատասախան տալու առաջին հերթին իր խղճին, ապա՝ իր Աստծուն: Ամանորը արարելու և ապրելու մի նոր սկիզբ է՝ նոր փորձառությամբ զորացած և իմաստնացած նորոգ կյանքի սկիզբ: Մի նոր սկիզբ, որը տանում է մեզ ի մեր Տեր Հիսուս Քրիստոսի վերստին Սուրբ Ծնունդ եւ Աստվածահայտնություն: Լուսե մի տոն, որը մեզ հոգեպես ավելի կզորացնի և կմերձեցնի Մայր Եկեղեցուն: Մաղթում ենք, որ այս Նոր տարում աստվածային սերն ու խաղաղությունը թևածեն բոլորիդ օջախներում եւ հոգիներում:
     Շնորհավո՜ր Նոր տարի եւ Սուրբ Ծնունդ:


     Տ. ԱՌԱՔԵԼ ԱՐՔԵՊԻՍԿՈՊՈՍ ՔԱՐԱՄՅԱՆ

     ԱՌԱՋՆՈՐԴ ԿՈՏԱՅՔԻ ԹԵՄԻ

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
8433 | 0 | 0
Facebook