Լոռու մարզպետ Անդրեյ Ղուկասյանն այսօր ընդունեց «Հայ Ասպետ» խաղ- մրցույթի եզրափակիչ փուլում հաղթող ճանաչված Վանաձորի թիվ 27 հիմնական դպրոցի թիմի անդամներին, ինչպես նաև դպրոցի տնօրեն Գարեգին Քարհանյանին և փոխտնօրեն Սյուզաննա Մալումյանին:
Մարզպետը շնորհավորեց աշակերտներին հաղթանակի կապակցությամբ: Նա շնորհակալություն հայտնեց երեխաներին՝ դպրոցի և մարզի պատիվը բարձր պահելու համար: Ա. Ղուկասյանը երեխաներին հորդորեց մշտապես լավ սովորել և լավագույնը լինել բոլոր բնագավառներում՝ ի շահ Հայաստանի Հանրապետության: Մարզպետը թիմին նաև շնորհակալագիր հանձնեց:
Անկեղծ և մտերմիկ զրույցի ընթացքում երեխաները կիսվեցին տպավորություններով: