Խնդրում ենք սպասել...
Այսօր`  հինգշաբթի, 23 մայիսի, 2019 թ.

Հոդվածներ

ՀՀ վարչապետի պաշտոնակատար Նիկոլ Փաշինյանը հարգանքի տուրք մատուցեց աղետալի երկրաշարժի զոհերի հիշատակին

19:16, ուրբաթ, 07 դեկտեմբերի, 2018 թ.
ՀՀ վարչապետի պաշտոնակատար Նիկոլ Փաշինյանը հարգանքի տուրք մատուցեց աղետալի երկրաշարժի զոհերի հիշատակին
     1988-ի աղետալի երկրաշարժի 30-րդ տարելիցի առթիվ, զոհերի հիշատակի տուրք մատուցելու նպատակով, դեկտեմբերի 7-ին Լոռու մարզում էր ՀՀ վարչապետի պաշտոնակատար Նիկոլ Փաշինյանը: Լոռու մարզպետ Անդրեյ Ղուկասյանի և այլ պաշտոնյաների ուղեկցությամբ նա նախ եղավ Սպիտակ քաղաքում, ծաղիկներ խոնարհեց երկրաշարժի զոհերին նվիրված հուշարձանին, այնուհետև Սպիտակի սուրբ Հարություն եկեղեցում մասնակցեց մոմավառությանը:
     Վարչապետի պաշտոնակատարի հաջորդ կանգառը Վանաձոր քաղաքում էր: Նախ ծաղկեպսակ տեղադրվեց Վանաձորի Սուրբ Աստվածածին եկեղեցու Սրբոց Նահատակաց պուրակում կանգնեցված երկրաշարժի զոհերի հիշատակին նվիրված խաչքարի մոտ, որից հետո ներկաները մասնակցեցին միասնական աղոթքին և մոմավառությանը:
     Վարչապետը և մարզպետը ներկա գտնվեցին նաև Վանաձորի թիվ 11 մանկապարտեզի բացման հանդիսավոր արարողությանը:
     Շինարարության պատվիրատուն Հայաստանի Հանրապետության տարածքային զարգացման հիմնադրամն է: Շինարարությունն իրականացրել է «Բազալտ- Շին» ՍՊԸ-ն: Ծրագրի նախահաշվային արժեքը կազմել է 190 մլն. դրամ, պայմանագրային արժեքը՝ 150 մլն. դրամ: Ծրագրի շրջանակներում վերանորոգվել է Վանաձորի թիվ 11 մանկապարտեզի երկու մասնաշենքերը կապող միջանցքը, մեկ մասնաշենքը, ինչպես նաև կատարվել են բակի բարեկարգման և ցանկապատի տեղադրման աշխատանքներ: Շինաշխատանքները սկսվել էին 2017թ. և ավարտվել օրեր առաջ: Մանկապարտեզի վերանորոգված մասնաշենքում տեղակայված են 4 խմբակային սենյակներ՝ 100 երեխայի համար:
     Վարչապետը և պաշտոնյաները շրջայց կատարեցին մասնաշենքում, ծանոթացան կատարված աշխատանքներին:


     Լոռու մարզպետարան

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
883 | 0 | 0
Facebook
COMMENT.am