Վարչապետի պաշտոնակատար Նիկոլ Փաշինյանը Գեղարքունիքի մարզ կատարած այցի շրջանակում, ՀՀ կրթության և գիտության նախարարի պաշտոնակատար Արայիկ Հարությունյանի ուղեկցությամբ այցելել է Մարտունու Տ. Աբրահամյանի անվան ավագ դպրոց, ծանոթացել դպրոցի շինարարական աշխատանքների ընթացքին: Պատասխանատուները նշել են, որ 2016 թվականից սկսված շինաշխատանքների համար ներդրվել է շուրջ 700 մլն դրամ՝ Համաշխարհային բանկի «Կրթության բարելավում» ծրագրի շրջանակում: Ուսումնական հաստատությունն աշխատանքների արդյունքում ոչ միայն հիմնանորոգվել է, այլև համալրվել ժամանակակից գույքով, դասապրոցեսի համար անհրաժեշտ տեխնիկական միջոցներով: Ավագ դպրոցը, որն իր դռները կբացի գալիք տարվա սկզբից, հնարավորություն ունի ընդունել մինչև 350 աշակերտ, սակայն այստեղ առայժմ սովորելու է միայն 250-ը:
ՀՀ կրթության և գիտության նախարարություն