Ինչպես ամեն տարի այս տարի ևս «Տապան» Էկո-ակումբ ՀԿ-ն SPARE միջազգային կրթական նախագծի շրջանակներում տարբեր մարզերի 114 աշակերտների, 16 տնօրենների, ուսուցիչների և ծնողների հետ նշեց նոյեմբերի 11-ը՝ «Էներգախնայողության միջազգային օր» -ը քայլերթով և ֆլեշ-մոբով:
Քայլերթը սկսվեց Հանչապետության հրապարակից և ավարտվեց Օպերայի և բալետի ազգային ակադեմիական թատրոնի շենքի դիմաց: Ողջ ընթացքում աշակերտները հնչեցնում էին կոչեր՝ էներգախնայողության, շրջակա միջավայրի պահպանության վերաբերյալ, ինչպես նաև անցորդներին բաժանեցին թռուցիկներ, որոնք պարունակում էին խորհուրդներ՝ կենցաղում էներգախնայողության վերաբերյալ:
Շնորհակալություն ենք հայտնում տոնին մասնակցած դպրոցների աշակերտներին և ուսուցիչներին: Առանձնահատուկ շնորհակալություն ենք հայտնում այն դպրոցներին, որոնք կազմակերպեցին տոնին նվիրված միջոցառումներ իրենց համայնքներում:
Միջոցառումն իրականացվեց Մոսկվայում գործող Կանադայի դեսպանատան դրամաշնորհային ծրագրի շրջանակներում: