2018թ. դեկտեմբերի 9-ին Հայաստանում նախատեսված են ազգային ժողովի արտահերթ ընտրություններ, որոնց մասնակցելու է նաև "Սասնա Ծռեր" կուսակցությունը:
Որպեսզի հասկանանք, իրականում իրենից ինչ է ներկայացնում այդ կուսակցությունը դիտարկենք վերջինիս առաջնորդների կողմից հնչեցվող տեսակետները: Շարունակաբար Ձեր ուշադրությանն է ներկայացվելու նշված կուսակցության առաջնորդների որդեգրած քաղաքականությունը, որը կյանքի կոչելու դեպքում Հայաստանը աստիճանաբար կվերածվի Լիբիայի, Սիրիայի, Իրաքի կամ Ուկրաինայի, ինչը կուղեկցվի մարդկային և տարածքային մեծ կորուստներով:
"Սասնա Ծռեր" կուսակցության կողմից հռչակվող նպատակները.
Քայլ 1. "Նախիջևանի ազատագրում"
Չկարծեք, որ չեմ ցանկանում Նախիջևանը տեսնել Հայաստանի կազմում, սակայն կան հանգամանքներ, որոնց անտեսման դեպքում մեր երկիրը կկանգնի միջազգային մեկուսացման և անգամ արտաքին ուժերի ներխուժման վտանգների առջև: "Սասնա Ծռեր" կուսակցության ղեկավարներն իրենց ռազմատենչ և պոպուլիստական հռետորաբանությամբ արդեն իսկ հարուցել են հանրության մեծամասնության զայրույթը, իսկ կուսակցությունը ստացել է ժողովրդի կողմից կիրառվող "Պատերազմի կուսակցություն" բնորոշումը:
Այլ երկրի տարածք ներխուժելը ներկա աշխարհաքաղաքական իրավիճակում կդիտվի որպես ագրեսիա և անպայման կբերի ՆԱՏՕ-ի անդամ թուրքիայի հետ անմիջական ռազմական բախման, թե ինչ կլինի հետո, դժվար չէ կռահել:
Արդեն իսկ ամբողջությամբ երևում է այս "կուսակցության" կորիզի սեփական իշխանական ամբիցիաները հագեցնելու համար հայի արյուն թափելու պատրաստակամությունը:
շարունակելի
Այսպիսով միայն չմտածող կամ մտածել չուզեցող անձը կարող ձայն տալ իրականում բոյեվիկների խումբ հանդիսացող "Սասնա Ծռեր" "կուսակցությանը" և աջակցել նրանց Հայաստանի խորհրդարանը դարձնել իրենց հավաքատեղի և անպատասխանատու հայտարարությունների ամբիոն: