Լեհաստանի Զամոշչ քաղաքում ընթացող ծանրամարտի Եվրոպայի երիտասարդների առաջնությունում այսօր Վերին Պտղնի համայնքի բնակչուհի Իզաբելլա Յայլյանը բրոնզե մեդալ նվաճեց:
Հանդես գալով մինչեւ 23 տարեկանների առաջնությունում Իզաբելլան 63 կգ քաշային կարգում երեք բրոնզ նվաճեց: Նա պոկեց 94 կգ, հրեց 110 կգ եւ երկամարտի 204 կիլոգրամով դարձավ այս տարիքային խմբի Եվրոպայի բրոնզե մեդալակիր:
Վերին Պտղնի համայնքի ղեկավար Գևորգ Պողոսյանը համայնքապետարանի անձնակյազմը և ողջ համայնքը շնորհավորում է Իզաբելլային այս հաղթանակի կապակցությամբ՝ցանկանալով առաջիկայում էլ ավելի մեծ հաջողություններ: