Խնդրում ենք սպասել...

Հոդվածներ

Համայնքի տնտեսական զարգացման տեսլականի քննարկում

09:47, շաբաթ, 20 հոկտեմբերի, 2018 թ.
Համայնքի տնտեսական զարգացման տեսլականի քննարկում
     Գերմանական միջազգային համագործակցության կազմակերպության (GIZ) «Լավ տեղական կառավարում Հարավային Կովկասում» ծրագիրը ներառում է հանրապետության խոշորացված համայնքները, այդ թվում՝ Բյուրեղավանը: Բյուրեղավանի համայնքապետարանում տեղի ունեցավ «Համայնքի տնտեսական զարգացման տեսլականի մշակում» թեմայով աշխատաժողով, որին մասնակցեցին ներկայացուցիչներ ՀՀ Տարածքային կառավարման և զարգացման նախարարությունից, համայնքապետարանի աշխատակազմից` համայնքապետ Հակոբ Բալասյանի գլխավորությամբ, վարչական ղեկավարներ, ավագանու անդամներ, ձեռներեցներ, հասարակական հատվածի ներկայացուցիչներ: Ծրագրի հիմնական նպատակն է օգնել խոշորացված համայնքներին մշակելու իրենց զարգացման տեսլականը և կոնկրետ կատարել գործողություններ՝ բարեփոխումներ և զարգացում ապահովելու համար:
     ՀՀ տարածքային կառավարման և զարգացման նախարարության տեղական ինքնակառավարման քաղաքականության վարչության պետ Աշոտ Գիլոյանը ողջունեց և բացման խոսքում ներկայացրեց ՏԿԶՆ առաջնահերթություններն ու խնդիրները համայնքների տնտեսական զարգացման բնագավառում, կարևորեց համայնքի և համայնքապետարանի ակտիվությունը: Աշխատաժողովը վարեց «Տարածքային զարգացման հիմնադրամ» կազմակերպության փորձագետ Արտյոմ Գրիգորյանը: Նա ներկայացրեց այն հիմնական մեթոդները, որոնց միջոցով համայնքը կարող է զարգացման հիանալի տեսլական մշակել ու կիրառել: Համայնքի ղեկավար Հակոբ Բալասյանը ներկայացրեց այն հիմնական ուղղությունները, որոնք կարող են հանդիսանալ համայնքի տնտեսական զարգացման հենասյուները՝ ապակեգործություն, հանքային ջրերի, ալկոհոլային խմիչքի, սնկի հումքի (կոմպոստի) արտադրություն և այլն: Կարծիքներ փոխանակեցին գործող արտադրությունների և հասարակական հատվածի ներկայացուցիչները: Հանդիպման ավարտին նշվեց, որ կարևոր է ճիշտ պլանավորումը, համայնքի զարգացման հստակ հեռանկարների առկայությունը: Ուսումնասիրություններից հետո փորձագետներն աշխատելու են ներդրումային ծրագրեր համայնք բերելու ուղղությամբ:
    
     Բյուրեղավան համայնք
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2810 | 0 | 0
Facebook