Վանաձորի թիվ 11 ավագ դպրոցի 11հ/լ դասարանի աշակերտները դասղեկ Ն. Լ. Բարիկյանի ուղեկցությամբ հոկտեմբերի 10 ին ուսումնաճանաչողական էքսկուրսիա անցկացրեցին COAF Smart կենտրոնում, ծանոթացան կենտրոնի գործունեությանը, գործող խմբակներին մասնակցելու պայմաններին: Հաջորդ կանգառը Հովհ. Թումանյանի տուն-թանգարանում էր, որտեղ հետաքրքիր էքսկուրսիոն ծրագրի շրջանակներում աշակերտները նաև ասմունքեցին՝ հիշելով Ամենայն հայոց բանաստեղծի անմահ խոսքերը: Արտագնա հաջորդ դասը Բնության և թռչունների այցելուների կենտրոնում էր: Աշակերտներն իմացան, որ Դսեղը «Հայաստանի թռչունների պահպանման միության» կողմից ճանաչվել է որպես թռչնաբանական կարևորագույն տարածք, առաջարկ ստացան նաև թռչնադիտարկում իրականացնել Դսեղի շրջակայքում: Օրվա երկրորդ մասը նվիրված էր պատմամշակութային վայրեր այցելելուն: Աշակերտները եղան Սուրբ տերունական խաչի մոտ, Սբ. Քառասնից Մանկաց եկեղեցում, Սբ. Գրիգոր Լուսավորիչ եկեղեցում:
