Խնդրում ենք սպասել...
COMMENT.am
Այսօր`  չորեքշաբթի, 17 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Մենք կարող ենք ունենալ նախադեպ, երբ համայնքի ղեկավար չընտրված թեկնածուի ծրագրային լավագույն դրույթները կիրագործվեն ընտրված թեկնածուի կողմից

15:36, չորեքշաբթի, 10 հոկտեմբերի, 2018 թ.
Մենք կարող ենք ունենալ նախադեպ, երբ համայնքի ղեկավար չընտրված թեկնածուի ծրագրային լավագույն դրույթները կիրագործվեն ընտրված թեկնածուի կողմից

Կոտայքի մարզի 5 համայնքներում հոկտեմբերի 21-ին կայանալիք համայնքի ղեկավարի արտահերթ ընտրություններին ընդառաջ՝ այսօր իմ նախաձեռնությամբ տեղի ունեցավ հանդիպում առաջադրված թեկնածուների հետ, որին ներկա էր նաև ՀՀ Ոստիկանության Կոտայքի մարզային վարչության պետ, ոստիկանության գնդապետ Արամ Հովհաննիսյանը:

Հանդիպման ընթացքում մատնանշել եմ հիմնական այն սկզբունքները, որոնցով պետք է գործեն առաջադրված թեկնածուները, տարածքային կառավարման և իրավապահ մարմինները: Ընտրությունները պետք է անցկացվեն օրինականության սահմաններում՝ բարոյականության ու համակեցության բոլոր նորմերի պահպանմամբ: Հանրությունը պետք է տեսնի, որ մենք ունենք նոր իրողություն, որ ինքն ազատ է կատարել իր ընտրությունը՝ հիմքում ունենալով քաղաքական ու ծրագրային դրույթներ և ոչ մի լրացուցիչ մոտիվացիայի աղբյուր: Բոլորս պիտի գիտակցենք, որ ցանկացած պաշտոն մեզ պետք է բացառապես հանրային շահը սպասարկելու և մեր երկրում զարգացման նոր առաջնահերթություններ ապահովելու համար:

Ոստիկանության Կոտայքի մարզային վարչության պետ Արամ Հովհաննիսյանը փաստեց, որ աշխատանքային մոտ 30 տարիների ընթացքում ոստիկանությանը երբեք այնքան հզոր ու ուժեղ չի տեսել, որքան այսօր է: Այն ուժեղ է, քանի որ գործում է միայն ու միայն օրենքի սահմաններում: Չկան պահանջներ, չկան հանձնարարականներ և սուբյեկտիվ որոշումներ: Նա պատրաստակամություն հայտնեց լինել ցանկացած թեկնածուի կողքին, ով որևէ հարցում կբախվի անօրինականության դրսևորման և թեկնածուներին ու նրանց աջակիցներին հորդորեց լինել զգոն, քանի որ այսօրվանից ևեթ ոստիկանությունն իր դիրքերում է, և ամենաչնչին խախտումն իսկ օրենքի սահմաններում ընթացք է ստանալու:

Ես և Արամ Հովհաննիսյանը որպես առաջնահերթ դրույթ ամրագրեցինք ազատ, թափանցիկ և արդար ընտրությունների անցկացման առաջնահերթությունը՝ բոլոր կողմերի համար ստեղծված հավասար պայմաններում: Մենք կարող ենք ունենալ նախադեպ, երբ համայնքի ղեկավար չընտրված թեկնածուի ծրագրային լավագույն դրույթները կիրագործվեն ընտրված թեկնածուի կողմից: Սա կլինի բոլորի ազնիվ նպատակների ու հանրային շահի գերակայությամբ մրցապայքար ունենալու լավագույն ցուցիչը:


     Ռոմանոս Պետրոսյան

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
795 | 0 | 0
Facebook
Մամուլի խոսնակ