Խնդրում ենք սպասել...
COMMENT.am
Այսօր`  չորեքշաբթի, 17 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Լեզուն աստղերի…

08:49, կիրակի, 07 հոկտեմբերի, 2018 թ.
Լեզուն աստղերի…
    
    
    

Ակնթարթները ձգվո՜ւմ են

Դառնում են պա՜հեր,

Պահերը ձգվո՜ւմ դառնում են ամի՜ս,

Կյանքի ընթացքին լրիվ անտարբեր


    

Դու քո պատյանից դեռ դուրս չե՛ս գալիս:


    

Ամե՜ն մի աստղ

Մի սպիտակ մեղու,

Լուսինը՝ մայր-մեղու արծաթից,

Գիշերվա շուրթից մի քա՜ղցր է ծորում


    

Դու քո պատյանից դեռ դուրս չե՛ս գալիս:


    

Խոհդ քնած է պատյանում-խեցի

Քնով համակո՜ղ,

Քնով անձկալի՜,

Ասե՜ս գալիքը գրկել անցյալին


    

Ու քեզ չի՛ թողնում դուրս գալ պատյանից:


    

Եվ հանկարծ երկնից

մի աստղ է ընկնում

Գիշերվա խորունկ պարտեզի վրա,

Քեզ թվո՜ւմ է թե մի լո՜ւր ես ստանում

- Գիտե՞ս,

Ճամպրուկս կապե՜լ եմ հիմա:


    

Դու քո պատյանից

շպրտվում ես դուրս,

Վազո՜ւմ գալիքին ընդառաջ,

Դու շա՜տ լավ գիտես լեզուն աստղերի,

Աստղապարսերի պա՜րը խենթացած:


    

Գիշերվա կպչո՜ւն ու մերկ ձեռքերով,

Փորձում ես գրկել խո՜հդ կարոտի,

Կարոտի շուրթից ծորում են քաղցրով

Ակնթարթնե՜րը

Սպասվող պահերի…


    

Եվ ստացվո՜ւմ է, որ այն ա՜ստղ-մեղուն

Սայթաքե՜ց, ընկա՜վ, մահացավ,

… Չէ՞ որ գիտեի՜ր աստղերի լեզուն,

Ուղակի չուզեցար հավատալ:


    

Ակնթարթները դառնում են պահե՜ր,

պահերը օրե՜ր…

տարինե՜ր…


    

Դու նորի՜ց փակված խեցի-պատյանում

Լրի՜վ

Անտարբեր…


    
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
995 | 0 | 0
Facebook
Մամուլի խոսնակ