Հոկտեմբերի 12-ին` ժամը 19: 00-ին, Արամ Խաչատրյան մեծ համերգասրահում տեղի կունենա օպերային երգիչ, տենոր Դավիթ Հովհաննիսյանի մենահամերգը: Շուրջ 6 տարի Տեներիֆեում ապրող և ստեղծագործող երաժշտի մենահամերգը նվիրված է մայրաքաղաքի 2800-ամյակին:
Tert.am Life-ի հետ զրույցում Դավիթը մանրամասներ է պատմել մենահամերգին սպասվող երաժշտական ծրագրի մասին, ինչպես նաև խոսել է դրսում իր ծավալած գործունեության և Հայաստան վերադառնալու նպատակի մասին:
Դավիթը մասնագիտությամբ միջազգայնագետ է: Ավարտել է ԵՊՀ միջազգային հարաբերությունների ֆակուլտետը՝ մագիստրոսի աստիճանով, իսկ երգել սկսել է 2011 թվականից: Ասում է՝ երաժշտության ճանապարհով գնալը շատ պատահական ստացվեց և փոփոխությունների սկիզբ դրեց իր կյանքում: Նա տեղափոխվել է Տեներիֆե, որտեղ ուսանել է Կոնսերվատորիայում՝ Կարմեն Ակոստայի, այնուհետև Հռոմի Օպերային թատրոնի երգչուհի՝ Ռենատա Լամանդայի մոտ:
Դավիթը հանդիսանում է Տեներիֆեում հայտնի Union Artistica El Cabo երգչախմբի մենակատարը: Մեծ մասամբ հանդես է գալիս բարեգործական համերգներով:
Երևանում օպերային երգչի մենահամերգը նույնպես կոմերցիոն նկատառումներ չունի, մուտքը լինելու է հրավիրատոմսերով, որոնք կբաժանվեն բոլոր ցանկացողներին. «Ցանկացա համերգի տեսքով նվեր մատուցել իմ քաղաքին և այն վերածվեց մի նախագծի, որը նվիրվում է Երևանի 2800-ամյակին»:
Համերգի մասնակիցներ՝
Գեղարվեստական ղեկավար և վարող Արա Ղազարյան
Artistic director and host Ara Kazaryan
Դաշնամուր Կարեն Անանյան
Piano Karen Ananyan
Դիրիժոր Ռուբեն Ասատրյան
Conductor Ruben Asatryan
Վաստակավոր Կոլեկտիվ
Հայաստանի Ազգային Ֆիլհարմոնիկ Նվագախումբ
Գեղարվեստական ղեկավար և դիրիժոր Էդուարդ Թոփչյան
Armenian National Philharmonic Orchestra
Artistic director and principal conductor Eduard Topchyan
Լուսանկար՝ Գիյերմո Սուրեդա Բուրխոս
Photo artist - Guillermo Sureda Burgos
Mencey Production
Yerevan 2800
Aremian-Canarian tenor David Hovhannisyan Live in Concert at Aram Khachaturiam Grand Concert Hall in Yerevan
