Խնդրում ենք սպասել...

Հոդվածներ

ԽՍՀՄ Արտաքին գործերի ժողովրդական կոմիսար Վ.Մ. Մոլոտովի նոտան ԽՍՀՄ-ում Լեհաստանի դեսպան Վ. Գժիբովսկուն

14:41, երեքշաբթի, 18 սեպտեմբերի, 2018 թ.
ԽՍՀՄ Արտաքին գործերի ժողովրդական կոմիսար Վ.Մ. Մոլոտովի նոտան ԽՍՀՄ-ում Լեհաստանի դեսպան Վ. Գժիբովսկուն

Այս նոտան հանձնվել է 1939 թվականի սեպտեմբերի 17-ին, այսինքն այն ժամանակ, երբ Գերմանիան արդեն գրավել էր Լեհաստանի այն տարածքները, որոնք «Ռիբենտրոպ-Մոլոտով» պայմանագրով պետք է անցնեին Գերմանիային, իսկ մնացյալը պետք է զավթեր ԽՍՀՄ-ը:


     Պարոն դեսպան,

Լեհ-գերմանական պատերազմը բացահայտեց Լեհաստան պետության ներքին չկայացածությունը: Ռազմական գործողության օրերին Լեհաստանը կորցրեց իր արդյունաբերական շրջաններն ու մշակութային կենտրոնները: Վարշավան, որպես Լեհաստանի մայրաքաղաք, այլևս գոյություն չունի: Լեհաստանի կառավարությունը տապալվել է ու կյանքի նշաններ ցույց չի տալիս: Դա նշանակում է, որ լեհական պետությունը և նրա կառավարությունը դադարել են գոյություն ունենալ: Դրանով իսկ դադարում են գործել Լեհաստանի ու ԽՍՀՄ-ի միջև կնքված պայմանագրերը: Ինքնահոսի մատնված ու ղեկավարությունից զրկված Լեհաստանը վերածվել է տարատեսակ պատահականությունների ու անսպասելիությունների հարմար դաշտի, որը կարող սպառնալիք լինել ԽՍՀՄ-ի համար: Այդ իսկ պատճառով, Խորհրդային կառավարությունն այլևս չի կարող չեզոքություն դրսևորել այդ փաստերի նկատմամբ:

Խորհրդային կառավարությունը չի կարող անտարբերությամբ վերաբերվել այն բանին, որ Լեհաստանի տարածքում ապրող ու բախտի քմահաճույքին մատնված արյունակից ուկրաինացիներն ու բելոռուսներն անպաշտպան մնան:

Ելնելով այս իրավիճակից՝ Խորհրդային կառավարությունը Կարմիր բանակի հրամանատարությանը հանձնարարել է սահմանն անցնելու հրաման արձակել և պաշտպանության տակ առնել Արևմտյան Ուկրաինայի և Արևմտյան Բելոռուսիայի բնակչության կյանքն ու գույքը:

Խորհրդային կառավարությունը միևնույն ժամանակ մտադիր է բոլոր միջոցները ձեռնարկել լեհ ժողովրդին ազատելու այն չարաղետ պատերազմից, որում նա ներքաշվել է իր անմիտ ղեկավարության կողմից և նրան խաղաղ կյանքի հնարավորություն ընձեռել:

Պարոն դեսպան, ընդունեք Ձեր նկատմամբ հարգանքիս լիակատար հավաստիքները:

ԽՍՀՄ Արտաքին գործերի ժողովրդական կոմիսար Վ. Մոլոտով:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
5404 | 0 | 0
Facebook