Խնդրում ենք սպասել...

Հոդվածներ

«ԱՐԱՐԱՏ ՄԿՐՏՈՒՄՅԱՆ» ԱՄԵՆԱՄՅԱՆ ՀԱՆՐԱՊԵՏԱԿԱՆ ԳՐԱԿԱՆ, ԵՐԻՏԱՍԱՐԴԱԿԱՆ ՄՐՑԱՆԱԿԱԲԱՇԽՈՒԹՅՈՒՆ

Սուսա Լալայան
14:58, երեքշաբթի, 18 սեպտեմբերի, 2018 թ.
«ԱՐԱՐԱՏ ՄԿՐՏՈՒՄՅԱՆ» ԱՄԵՆԱՄՅԱՆ ՀԱՆՐԱՊԵՏԱԿԱՆ ԳՐԱԿԱՆ, ԵՐԻՏԱՍԱՐԴԱԿԱՆ ՄՐՑԱՆԱԿԱԲԱՇԽՈՒԹՅՈՒՆ
     Մայիսի 1-ին Ալավերդի քաղաքում տեղի ունեցավ հանրապետական գրական երիտասարդական ամենամյա «Արարատ Մկրտումյան» մրցանակաբաշխությունը: Մրցանակաբաշխության օր ընտրված էր բանաստեղծի ծննդյան օրը, իսկ մրցույթին կարող էին մասնակցել Լոռու մարզում ապրող և ստեղծագործող մինչև 31 տարեկան բանաստեղծները, քանի որ երիտասարդ լոռեցի բանաստեղծը մահացել է այդ տարիքում: «Արարատ Մկրտումյան» գրական մրցանակը սահմանվել է տաղանդավոր, «մի հայրենիք ավել ունենալու համար ծնված» բանաստեղծ Արարատ Մկրտումյանի եղբոր՝ Արթուր Մկրտումյանի նախաձեռնությամբ՝ ի շահ հայ գրականության զարգացման: Մրցանակն էր հուշամեդալ և մրցույթում հաղթած երիտասարդ գրողի գրքի տպագրություն: Մրցանակաբաշխություն անցկացվեց Ալավերդու Մշակույթի Կենտրոնի կամարների տակ, ներկա էին ՀՀ գրողների միության նախագահ Էդվարդ Միլիտոնյանը, Արարատ Մկրտումյանի եղբայր Արթուր Մկրտումյանը, Արարատ Մկրտումյանի ընկերներից, հատուկ հյուրեր Գյումրիից, Վանաձորից, Երևանից և այլ արվեստասերներ։ Բանաստեղծության շուրջ հավաքված ներկաները հնչեցրին Արարատ Մկրտումյանի ստեղծությունները՝ հեղինակի ներկայությունը սփռելով իրենց շուրջը, ի հիշեցում այն փաստի, որ նրա բառերն ապրում են և, որ նրա բառերից ծնունդ են առնում նոր բանաստեղծներ:
     Այս պոետական մրցանակաբաշխությունը հնարավորություն և համագործակցություն է լավ գրքեր լույս աշխարհ բերելու համար, ազդակ՝ որ երիտասարդ գրողներն իրենց ներսի բանաստեղծությունը դարձնեն նաև ուրիշներինը:
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
5732 | 0 | 0
Facebook