Խնդրում ենք սպասել...
COMMENT.am
Այսօր`  կիրակի, 21 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Ապրած տարիներս…

16:53, շաբաթ, 01 սեպտեմբերի, 2018 թ.
Ապրած տարիներս…
    
    
    

Ապրեցի երկա՜ր…

Չափո՜ւմ եմ ապրածս-

Միգուցե սա՞ է ապրելու երկարը,

Ու…չհասկացա՝

Ցրվող խավա՞րն է գեղեցիկ

Թե՞ լուսաբացը:


    

Ապրեցի երկա՜ր…

Ու …չհասկացա՜

Միթե՞ նույն բանն է

Հավատարիմն ու նվիրվածը,

Պարզեցի մի բա՜ն, որ իմ ծնվելիս

Շան սի՜րտ է նվիրել ինձ տեր Աստվածը:


    

Երկա՜ր ապրեցի-

Շատ կա՜րճ հաշվեցի

Թե քանի՞ տարի թռա՜ն հեռացան-

Մի բա՜ն Պարզեցի,

որ էլ ետ չեն գա ու ես կգնամ նրանց ետևից:


    

Կգտնեմ կորած տարինե՜րս

Այնտե՜ղ՝երկնքում՝ ցիրուցան,

Չե՛մ ունենա գիշե՜ր, ցերե՜կ,

Մի լույս պատկե՜ր

Ու մի կարոտ փայփայված:


    

Բոլո՜րն անխտիր մահանո՜ւմ են,

Նույնի՜սկ արքաները,

որ մահանո՜ւմ են հիմար մի մահով,

Իսկ ես կգտնեմ իմ տարիները

ու կմահանա՜մ

Ծանր մի մահով:


    

Ապրեցի երկա՜ր…

Չափո՜ւմ եմ ապրածս-

Միգուցե սա՞ է ապրելու երկարը…

Ու չհասկացա՝

Ինչո՞ւ է կորկորդս սեղմում

Երկարակյա՜ց սողո՜ւն կասկածանքը…


     01.09.18 Երևան

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
2434 | 0 | 0
Facebook
Մամուլի խոսնակ