Խնդրում ենք սպասել...
Այսօր`  ուրբաթ, 15 նոյեմբերի, 2019 թ.

Հոդվածներ

«Երևանյան ամառ 2018». Դավթաշենի թիմը՝ Երևանի քաղաքապետի փոխանցիկ գավաթի ֆուտբոլի մրցաշարի հաղթող

Yerevan info
Հեղինակ`
Yerevan info
13:23, երեքշաբթի, 17 հուլիսի, 2018 թ.
«Երևանյան ամառ 2018». Դավթաշենի թիմը՝ Երևանի քաղաքապետի փոխանցիկ գավաթի ֆուտբոլի մրցաշարի հաղթող

«Երևանյան ամառ 2018» եռամսյա միջոցառումների ծրագրով շարունակվում է Երևանի քաղաքապետի փոխանցիկ գավաթի 2018թ. համաքաղաքային բակային ավանդական մրցաշարը:

«Երևանի կաշվե գնդակ» մրցաշարում հաղթողի կոչման համար պայքարում էին մայրաքաղաքի 12 վարչական շրջանների պատանի ֆուտբոլիստները: Եզրափակչում հանդիպել են Դավթաշեն և Շենգավիթ վարչական շրջանների թիմերը: Դիմակայությունն ավարտվել է Դավթաշենի թիմի հաղթանակով, որն էլ դարձել է մրցաշարի հաղթող: 3-րդ տեղի համար ուժերն են չափել Մալաթիա-Սեբաստիա և Նոր Նորք վարչական շրջանների թիմերը, որտեղ ավելի ուժեղ էին Մալաթիա-Սեբաստիայի մարզիկները:
     Մրցաշարի մասնակիցներին ողջունել և առաջին երեք տեղերը գրաված թիմերին շնորհավորել է Երևանի քաղաքապետարանի աշխատակազմի սպորտի բաժնի պետ Յուրի Մամիկոնյանը՝ նշելով, որ հենց այդպիսի ստուգատեսների ժամանակ են բացահայտվում հայկական ֆուտբոլի մեր վաղվա հույսերը:
     Տարբեր դիրքերում լավագույնը ճանաչված ֆուտբոլիստների համար ևս սահմանվել էին հատուկ մրցանակներ:
     Հիշեցնենք, որ Երևանի քաղաքապետարանի համաքաղաքային բակային մրցաշարի 8 մարզաձևերում թիմային ընդհանուր հաշվարկով հաղթած վարչական շրջանը կպարգևատրվի Երևանի քաղաքապետի փոխանցիկ գավաթով:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1746 | 0 | 0
Facebook
COMMENT.am