Հաքերների գործողություններից տուժած աստղերի ցուցակը համալրվել է մի քանի հայտնի անուններով: Այս անգամ հաքերային հարձակման զոհ են դարձել Անջելինա Ջոլին, Ռոբերտ դե Նիրոն և Լեդի Գագան: Այս մասին հայտնում է TMZ պոտալը:
Այս շաբաթ համացանցում են հայտնվել այս և այլ հանրահայտ մարդկանց մասին գաղտնի տեղեկություններ՝ նրանց սոցիալական ապահովագրության համարները, վարկային գնահատականներ, հիփոթեքային վճարումների մասին տեղեկություններ, հասցեներ, հեռախոսահամարներ և այլն: Հետաքննությունների դաշնային բյուրոն անցկացնում է գործի հետաքննություն:
Պորտալը նշում է, որ Ջոլիի և դե Նիրոյի անձնական տվյալների բացահայտումը այն նույն «աստղաին հաքերների» ձեռքի գործն է, որոնց գործողություններից արդեն տուժել է Մել Գիբսոնը, Բրիթնի Սփիրսը, Էշթոն Կուչերը և Առնոլդ Շվարցենեգերը: Նախորդ կայքը, որում տեղադրվել էին ապօրինաբար ստացված տեղեկությունները, հեռացվել է տերերի կողմից, սակայն այժմ հայտնվել է նոր՝ .re դոմենով կայք: Սերվերը տեղադրված է Հնդկական օվկիանոսի Ռեյունիոն ֆրանսիական կղզում, որն ընկած է Մադագասկարից արևելք:
Եթե հաջողվի հաքերներին բռնել, նրանց կսպառնա դաժան պատիժ: Վերջերս 36-ամյա Քրիստոֆեր Չեյնին, որը կոտրել էր դերասանուհի Սկարլետ Յոհանսոնի անձնական փոստը, դատապարտվել է 10 տարվա ազատազրկման: