Խնդրում ենք սպասել...
Mafia Game top
Այսօր`  երեքշաբթի, 18 դեկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Մարտի 31-ին՝ համաքաղաքային ծառատունկ և շաբաթօրյակ

Yerevan info
Հեղինակ`
Yerevan info
17:06, երկուշաբթի, 12 մարտի, 2018 թ.
Մարտի 31-ին՝ համաքաղաքային ծառատունկ և շաբաթօրյակ

Երևանի քաղաքապետարանում կայացած աշխատանքային խորհրդակցության ժամանակ, որը վարել է քաղաքապետ Տարոն Մարգարյանը, աշխատակազմի բնապահպանության վարչության պետը զեկուցել է, որ մայրաքաղաքի զբոսայգիներում և ընդհանուր օգտագործման այլ տարածքներում ընթանում են մասնագիտորեն հիմնավորված ծառերի էտման աշխատանքներ, որոնցում ներգրավված են նաև բնապահպաններ և համապատասխան մասնագետներ: Միաժամանակ նշվել է, որ մինչ համապատասխան աշխատանքների իրականացումը տեղերում կազմակերպվում է նաև գործընթացի մասին հանրային իրազեկումը:

Ի կատարումն Երևանի քաղաքապետի հանձնարարականի՝ զեկուցվել է, որ ոլորտի մասնագետների հետ կայացած քննարկման արդյունքում առաջարկվել է գարնանային ծառատունկն այս տարի կազմակերպել մարտի վերջին:
     Հաշվի առնելով մասնագետների առաջարկը՝ քաղաքապետ Տարոն Մարգարյանը հանձնարարել է մարտի 31-ը սահմանել որպես համաքաղաքային ծառատունկի և շաբաթօրյակի օր՝ ըստ այդմ արդեն իսկ սկսելով այդ ուղղությամբ նախապատրաստական աշխատանքները:
     «Արդեն իսկ սկսեք նախապատրաստական աշխատանքներ տանել մասսայական ծառատունկերի վայրերն ընտրելու, ինչպես նաև անհրաժեշտ տնկիներ և տեխնիկական միջոցներ ապահովելու ուղղությամբ: Համաքաղաքային ծառատունկի և շաբաթօրյակի մասին իրազեկեք նաև մեր համաքաղաքացիներին և պետական ու մասնավոր մեր բոլոր գործընկեր կառույցներին: Ի դեպ, հաշվի առնելով, որ վերջին մի քանի տարիներին բարի ավանդույթ է ձևավորվել, որ գարնանային ծառատունկին իրենց մասնակցությունն են ունենում նաև Հայաստանում հավատարմագրված դիվանագիտական կորպուսի ներկայացուցիչները, նրանց ևս անպայման տեղեկացրեք այս մասին», - ընդգծել է Տարոն Մարգարյանը:
     Կոմունալ տնտեսության վարչությանը հանձնարարվել է նախապատրաստական աշխատանքներին զուգահեռ շարունակել բակերում, այգիներում և ընդհանուր օգտագործման այլ տարածքներում ներքին շաբաթօրյակները:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
624 | 0 | 0
Facebook
Մամուլի խոսնակ