Խնդրում ենք սպասել...
COMMENT.am
Այսօր`  երկուշաբթի, 19 նոյեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
Telegram - t.me/mamul_am

Հոդվածներ

Քննարկվել է շինարարական թույլտվությունների տրամադրման գործընթացի պարզեցման ընթացակարգը

Yerevan info
Հեղինակ`
Yerevan info
15:00, չորեքշաբթի, 07 փետրվարի, 2018 թ.
Քննարկվել է շինարարական թույլտվությունների տրամադրման գործընթացի պարզեցման ընթացակարգը

Երևանի քաղաքապետի առաջին տեղակալ Կամո Արեյանը մայրաքաղաքի գործարար միջավայրի բարելավմանը և շինարարական թույլտվությունների տրամադրման գործընթացի պարզեցմանը նվիրված խորհրդակցություն է անցկացրել, որին մասնակցել են Երևանի քաղաքապետարանի համապատասխան վարչությունների պետերը, գործընթացում ներգրավված կազմակերպությունների ղեկավարները, ինչպես նաև վարչական շրջանների ղեկավարների աշխատակազմերի համապատասխան բաժինների պետերը:

Խորհրդակցության ընթացքում քաղաքապետի առաջին տեղակալը, կարևորելով գործարար միջավայրի բարելավման համար շինարարական թույլտվությունների տրամադրման գործընթացի հեշտացումը, նշել է, որ այդ նպատակին կարելի է հասնել միայն ոլորտի պատասխանատուների ամենօրյա նպատակասլաց աշխատանքի շնորհիվ:
     «Կառավարության որոշմամբ Երևան քաղաքը համարվում է գործարար միջավայրի բարելավման միջոցառումների օբյեկտ և գտնվում է Համաշխարհային բանկի կողմից իրականացվող մշտական մոնիտորինգի տակ: Քաղաքաշինական թույլտվությունների տրամադրումը պետք է կատարվի ժամկետի մեջ, որակով, թափանցիկ, անխոչընդոտ», - նշել է Կամո Արեյանը:
     Խորհրդակցության ընթացքում վարչական շրջանների պատասխանատուներին բաժանվել են համապատասխան ուղեցույցները, որոնցում հնարավորին մատչելի ներկայացված են քաղաքաշինական տարբեր փաստաթղթեր ստանալու ընթացակարգերը: Ուղեցույցները հասանելի են լինելու Երևանի քաղաքապետարանում և մայրաքաղաքի բոլոր վարչական շրջաններում գործող «Մեկ պատուհան» գրասենյակներում, ինչպես նաև Երևանի քաղաքապետարանի պաշտոնական կայքում՝ Doing Business 2018բաժնում:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
853 | 0 | 0
Facebook
Մամուլի խոսնակ