Համաշխարհային բանկը իր տարեկան զեկույցում հերքել է Հայաստանի նախագահ Սերժ Սարգսյանին և կառավարությանը: ՀԲ ցուցանիշներով՝ Հայաստանի ՀՆԱ-ի աճը 2017թ. կազմել է 3, 7 տոկոս և ոչ թե 6 տոկոսից ավելի, ինչպես պնդում էր նախագահ Սարգսյանը 2017-ի տարեվերջին:
Բնականաբար, Սարգսյանը չէր կարող այդ թիվը ուղղակի օդից վերցնել, այդ տվյալները նրան ներկայացրել էին կառավարությունից, այն մարդիկ, ովքեր պաշտոնապես են զբաղվում վիճակագրությամբ: Ավելի հավանական է մտածել, որ վիճակագրության պատասխանատուները թվանկարչությամբ հրահանգ են կատարում: