Խնդրում ենք սպասել...

Հոդվածներ

ՀԱՅԸ ԵՎ ՀԱՅԸ

Hasmik
Հեղինակ`
Hasmik
15:17, չորեքշաբթի, 27 դեկտեմբերի, 2017 թ.
ՀԱՅԸ ԵՎ ՀԱՅԸ


    
    
    
    
    
    
    
    
    
    
    
    
    
    
     ՀԱՅԸ ԵՎ ՀԱՅԸ
    
     Սփյուռք-Հայաստան դիլլեման որևէ աղերս չունի ոչ ՀՀ նախագահի դեկլարատիվ հայտարարությունների, ոչ արհեստածին կարգախոսների (արի տուն և այլն), ոչ էլ առավել ևս հպանցիկ գիտաժողովների հետ: Խնդիրը ավելի շատ ներքին բարոյականության դաշտում է. մեծ կամ միջին տրամաչափի փանջունիների այլևս կանոնակարգված թալանի մեջ է

-Ին՞չ եղավ Լինսի հիմնադրամի հետ, որտե՞ղ է Գլենդել հիլզը

-Ինչ՞ու իր գործունեությունը դադարեցրեց մեծ շանսոնի` Շառլ Ազնավուրի «Քեզ համար Հայաստան» ը

-Ինչպե՞ս եղավ, որ երկրաշարժի հետևանքով հաշմանդամ երեխաների անունից ովքեր արդեն, 2010-2011թթ 22-23 տարեկան էին նրանց օգնելու անվան տակ ստացվեծին և մսխվեցին «Գյուլբենկյան ֆոնդի» գումարները

Ստեղծվեցին հարյուրհազարավոր հիմնադրամներ, ՀԿ-ներ, հայտնվեցին անհատներ` ովքեր աղետյալներին օգնելու անվան տակ փոշիացրին սփյուռքից եկած դրամական հոսքերը:

Եթե անկեղծ լինենք պիտի խոստովանենք, որ այս ամենը մեր ազգային ամոթն է: Շատերն էլ հաջողությամբ մտան սփյուռքահայ գործարարների գրպանը…

Ահավասիկ այդպիսի մի տխրահռչակ պատմություն.

Մանուգը` ում մտերիմները գիտեն Մանո անունով ծնունդով Կիպրոսից է, Մեծ Բրիտանիայի թագավորության քաղաքացի: Սպիտակի աղետից անմիջապես հետո Մանոն եկավ Հայաստան և մնաց: Հսկայածավալ բարեգործությունների մասին Մանոն չի սիրում պատմել… 2011թվականին, երբ ՀՀ նախագահը նրան շնորհեց Հայաստանի Հանրապետության քաղաքացիություն, թերևս այդ ժամանակվանից էլ սկսվեց Արթուր և Վարդան Մինասյանների «բարեկամությունը» Մանոի հետ: «Արմենիա հոսփիթալիթի հոլդինգ» , «Յունիթել» և նմանատիպ ՍՊԸ-ների հնչեղ անուններով սկիզբ առավ շուրջ 830հազար ԱՄՆ դոլար գրպանելու Մինասյանների շոուն: Վստահությունը հասավ այնտեղ, որ Մանոն հավատալով նրանց «գործարար անկեղծությանը» և «խոսքին» «Առէկսիմբանկ-Գազպրոմբանկի խումբ» ՓԲԸ-ում գրավադրեց Բաղրամյան 1 փակուղի շենք 2 բնակարան 22 իրեն պատկանող բնակարանը` ակնկալելով ապագա բիզնեսի զարգացում:

Ինչպես բնորոշ է նմանատիպ պատմություններին, վերոհիշալ բանկը` որը Վարդան Մինասյանին տվել էր շուրջ 300 հազար ԱՄՆ դոլար վարկ, նրան սնանկ ճանաչեց, աճուրդի դնելով շուրջ 10 միավոր բնակարան, որոնց թվում նաև Մանոյի բնակարանը: Վարդանի հայրը` Արթուր Մինասյանը մահվան մահճում որոշեց գումարը վերադարձնելու վերաբերյալ Մանոյին տված բոլոր պարտավորությունները վերցնել իր վրա:

Վարդան Մինասյանը ըստ հավաստի տվյալների հովանավորվում է Բաղրամյան 26-ից, այս պահին զբաղված է նոր ՍՊ-ներ կազմավորելով, թերևս նոր զոհերի համար…

Մանոն շարունակում է ապրել և գործել Հայաստանում: Իր մեղմ ու բարի ժպիտով հավաստելով, որ իր սիրուց առ հայրենիք մազ անգամ չի պակասել.-ԱՍ Է ՄԵՐ ՀԱՅՐԵՆԻՔԸ, ՈՒՐԻՇ ՀԱՅՐԵՆԻՔ ՉՈՒՆԻՆՔ, - ասում է Մանուգ Շեքերդեմյանը:

Հասմիկ Մելքոնյան

Գյումրի
Աղբյուրը` ՀԱՅԸ ԵՎ ՀԱՅԸ
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
6447 | 0 | 0
Facebook