Խնդրում ենք սպասել...

Հոդվածներ

Կարեն Բոքսյանի անկազմակերպ ու «չկայացած» մենահամերգը

Զավզակ
Հեղինակ`
Զավզակ
10:06, երկուշաբթի, 13 նոյեմբերի, 2017 թ.
Կարեն Բոքսյանի անկազմակերպ ու «չկայացած» մենահամերգը
     Երևան նյուզ լրատվական կայքի Life Style բաժնի խմբագրակազմը վերլուծում և ամփոփում է հայկական շոուբիզնեսի անցուդարձն ու վերլուծական և քննադատական նյութերով անդրադառնում իրողություններին։ Կարեն Բոքսյանի (չկայացած) մենահամերգը Լոս Անջելեսում կայացման ուղի փնտրող հայ, բայց թուրքա-ադրբեջանական հնչյուններով երգեր կատարող երգիչների ծաղկեփունջը վաստակավոր Արմենչիկի կլկլուն հետքերով ու Տիգրան Ասատրյանի պսպղուն մռութով խեղկատակի նման ձգտում է ներկայանալի դառնալ նաև Հայաստանում, ինչի վառ օրինակը Կարեն Բոքսյանի տապալված մենահամերգն է։ Մայր հայրենիքում հանդիսատեսին գրավելու համար ճվալուց բացի երգել էլ է պետք։ Երևանյան հանդիսատեսը, Բոքսյանին նոկաուտի ենթարկելով, դուրս թողեց իր հետաքրքրությունից: Հնարավոր չէ այլ կերպ որակել չգիտակցված այն քայլը, որով հոկտեմբերի 14-ին՝ Երևանի ծննդյան օրը կազմակերպիչները, գերագնահատելով Բոքսյանին, հանձն էին առել մենահամերգի իրականացմանը։ Կազմակերպիչները նախ պետք է հարգալից վերաբերմունք դրսևորեին Երևանի ու երևանցիների հանդեպ քաղաքի օրը` նրանց մատուցելով Երևանին արժնավայել արտիստի համերգ, նամանավանd այն պարագայում, երբ որոշել էին միջոցառումը անցկացնել Կարեն Դեմիրճյանի անվան մարզահամերգային համալիրում։ Բոքսյանը, որպես ռեստորանային կամ ինչպես շատերն են նշում «վետերոկի երգիչ» , թույլ տվյալներով ու ինքնասիրահարված կեցվածքով իրեն թույլ է տալիս գումարներ շռայլել երգերի ձայնագրությունների ու տեսահոլովակների վրա, ինչը սակայն անիմաստ ու աննպատակ է համերգային բեմերի դեպքում, քանզի ռեստորանից մեծ բեմ բարձրանալու համար երգիչը պետք է ճանապարհ անցնի ու հաշվի նստի հասարակական կարծիքի հետ։ Կարեն Բոքսյան անունը որպես երգիչ անհայտ է հանդիսատեսին նախ այն պատճառով, որ նա, ձգտելով վաստակել սիրված երգչի համբավ, արհամարհում ու անտեսում է հային ու հայկականը՝ չջանալով անգամ մեկ նմուշ ստեղծագործություն կատարել, որը հեռու կլինի ադրբեջանաթուրքական ելևէջներից ու կլինի հայկական, ազգային ու հայալեզու այնքան, որ հուզի և ուրախացնի հայ մարդուն աշխարհի յուրաքանչյուր կետում։ Իսկ մինչ այդ մեզ մնում է արձանագրել ու նշել, որ Կարեն Բոքսյանի մենահամերգը գնահատվում է չկայացած ու չստացված, իսկ որպես փաստ ընդունում և արձանագրում նաև Երևանյան դրամարկղերից ու անհատ գործակալներց ստացված այն տեղեկատվությունը, որի համաձայն տոմսերի վաճառքը չի գերազանցել 25%-ի սահմանը և հանդիսատեսի ապահովման խնդիրը լուծվել է հեռու մոտիկ ծանոթներով, հրավիրատոմսեր բաժանելով և հյուրերին համոզելով դահլիճ բերելու ճանապարհով, ինչն ընդունված և ծանոթ տարբերակ է մի շարք երգիչ—երգչուհիների համար։ Նյութի աղբյուրը` YN.am
Աղբյուրը` yn.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
8065 | 1 | 0
Facebook