Խնդրում ենք սպասել...

Հոդվածներ

Կարինե Բարսեղյան «Չեմ կարողանում ներել գիտակցված սուտը»

Մադաթ Սադոյան
18:31, հինգշաբթի, 05 հոկտեմբերի, 2017 թ.
Կարինե Բարսեղյան «Չեմ կարողանում ներել գիտակցված սուտը»

Արմավիր գյուղի միջնակարգ դպրոցի ՈւԳՏ օգնական Կարինե Բարսեղյանը այն մանկավարժներից է ով կարծում է, որ պետք է հոգով ուսուցիչ լինել` չհամարելով այն աշխատանք, այլ առաքելություն։
     Կրթական ոլորտի թերացումները տիկին Բարսեղյանը կապում է առօրյա հոգսերի հետ.
     «Ելնելով այսօրվա սուղ ֆինանսական վիճակից մարդկանց հոգսը ավելի շատ է և այդ ֆինանսական վիճակը թույլ չի տալիս ուսուցչի միտքն ազատ լինի, նրան անընդհատ կողքից անհանգստացնող հարցեր կան» ։ Ցանկանում է, որ բոլոր ուսուցիչները թոթափված լինեն այդ հոգսերից և առհասարակ Հայաստանում չլինի այդ խնդիրը. «ուզում եմ ապրենք ավելի բարեկեցիկ երկրում և կրթելով սերունդներ` հասնենք մեր ուզածին» ։
     Չհամաձայնվելով այն մտքին, որ «մանկավարժի գործը միշտ էլ անգնահատելի է» փաստեց.
     «անկախ նրանից, թե աշակերտն ինչպես է սովորել դպրոցում` տարիներ հետո, երբ հանդիպում եմ, իրենց խոսքերից շնորհակալական բառերից, մաղթանքներից զգում եմ, որ ինչ-որ բան եմ արել նրանց համար, այդ պահին հոգիս բարձրանում ու փառավորվում է» ։
     Աշակերտների հետ աշխատելիս հատուկ սկզբունքներ չկան, առաջնայինը հարգանքն է.
     «աշակերտների հետ խոսում, հաղորդակցվում եմ այնպես` ինչպես կցանկանայի, ինձ հետ խոսեն ու հաղորդակցվեն, ինչպես աստվածաշնչյան հայտնի տողերում, աշակերտներին վերաբերվում եմ հարգանքով, որպեսզի իրենք էլ հասկանան, որ դիմացինին պետք է հարգել» ։
     Ժամանակին դասավանդելով իր տղաներին` այնուամենայնիվ համամիտ չէ, որ ծնողը պետք է դասավանդի երեխային.
     «Երբևիցե այնպես չեմ արել, որ մնացած աշակերտները ինչ-որ տարբերություն զգան, ավելի շատ տղաներիս համար էր դժվար` քան իմ, նրանք կոմպլեքսավորվում էին, չէին ցանկանում նկատողություն անեյի մյուս երեխաներին, նույնիսկ դաս պատասխանելիս կաշկանդվում, մտածում էին ինչ-որ սխալ բան թույլ կտան իրենց, ինչն ինձ այնքան էլ դուր չի գա» ։
     Բարկացնել ու հունից հանել ընկեր Բարսեղյանին այնքան էլ հեշտ չէ.
     «Բարկանում եմ երբ աշակերտը չի հասկանում իր առաքելությունը դպրոցում` եկել է սովորելու թե այլ և այլ բաների համար, իսկ հունից հանում է սուտը, ամեն ինչ կարելի է ներել, հասկանալ, սխալը ուղղել, ժամանակ տալ, օգնել, բայց երբ գիտակցորեն ստում են այ դա չեմ կարողանում ներել» իր խոսքը եզրափակեց բազում սերունդներ կրթած մանկավարժը ։

Աղբյուրը` © Sadoian 2017
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
9206 | 0 | 0
Facebook