Խնդրում ենք սպասել...

Հոդվածներ

Աջակցություն Նոր Նորքում բնակվող ազատամարտիկների ընտանիքներին

10:04, շաբաթ, 23 սեպտեմբերի, 2017 թ.
Աջակցություն Նոր Նորքում բնակվող ազատամարտիկների ընտանիքներին
     Արցախի Հանրապետության կառավարության և Երևանի քաղաքապետարանի համագործակցությամբ առաջին անգամ իրականացվում է սոցիալական նշանակության ինքնատիպ ծրագիր, որի շրջանակում Արցախյան ազատամարտում զոհված հայորդիների ընտանիքներին, ինչպես նաև հաշմանդամություն ձեռքբերած ազատամարտիկներին Արցախի կառավարության կողմից տրամադրվում է աջակցություն՝ բացառապես արցախյան արտադրության պարենամթերքի տեսքով: Ծրագրում ընդգրկվել է վերոնշյալ խմբերը ներկայացնող երևանաբնակ 3000 շահառու: Նոր Նորք վարչական շրջանում ևս Արցախի Հանրապետության կառավարության կողմից տրամադրված աջակցությունը շահառուներին փոխանցելու նպատակով հանդիպում է կազմակերպվել շահառուների հետ, որին մասնակցել է նաև վարչական շրջանի ղեկավար Արմեն Ուլիխանյանը: Վարչական շրջանի ղեկավարը նշել է, որ այս ծրագիրը նախաձեռնվել է Արցախի նախագահ Բակո Սահակյանի կողմից, ըստ էության, Արցախի կառավարության և արցախահայերի գնահատանքի դրսևորումն է երևանաբնակ ազատամարտիկների ընտանիքներին: Իրենց անկեղծ երախտագիտությունը հայտնելով Արցախի կառավարության կողմից նախաձեռնված ծրագրի համար՝ շահառու ընտանիքների ներկայացուցիչներն իրենց հերթին նկատել են, որ սա բարոյական կարևոր նշանակություն ունի իրենց համար և հերթական անգամ վկայում է իրենց հանդեպ ցուցաբերվող մշտական ուշադրության և հոգածության մասին:
     Նկարները` այստեղ
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
2996 | 0 | 0
Facebook