Խնդրում ենք սպասել...

Հոդվածներ

Մատաղիսում նշեցին զորամասի 22 ամյակն ու մատուռի խաչի օծումը

21:04, հինգշաբթի, 07 սեպտեմբերի, 2017 թ.
Մատաղիսում նշեցին զորամասի 22 ամյակն ու մատուռի խաչի օծումը

Ղարաբաղյան պատերազմի վետերանների միության «Դուք մենակ չեք» բարեգործական նախաձեռնությունը, ՀՀ Նախագահի դրամաշնորհի շնորհիվ, Հայաստանի Երիտասարդական հիմնադրամի և ՀՀ պաշտպանության նախարարության աջակցությամբ, Եռօրյա այցով գտնվում էր Արցախ աշխարհի Մատաղիսի պաշտպանական շրջանում:


    

Սեպտեմբերի 4-ին, ՂՊՎՄ ակտիվիստները, Ապրիլյան պատերազմի հերոս նահատակների ծնողների և ժողովրդական երգերի կատարողներ Արման Կարապետյանի, Սուսաննա Վարդանյանի և ասմունքով Տարոն Գրիգորյանի հետ միասին, Երևանից ուղևորվեցին Արցախ:

Արցախում առաջին կանգառը Պետրոս Ղևոնդյանի՝ Պետոյի հուշաքարի մոտ էր, որի առաջ իրենց հարգանքի տուրքը մատուցելուց հետո, ուխտավորների խումբը շարունակեց ուղևորվել Մատաղիս: Մատաղիսում նրանց ողջունեցին Ապրիլյան պատերազմից հետո, կրկին զինծառայության վերադարձած ՂՊՎ անդամներն, ովքեր այժմ Ապրիլյան պատերազմի նահատակների ծառայակից ընկերների հետ միասին, Մատաղիսում մատուռ են կառուցում:


    

Սեպտերմեբր 5-ի առավոտյան, Վետերաններն ու նահատակված զինծառայողների ծնողները, ՂՊՎՄ նախագահ, մատուռի կառուցման աշխատանքների բարերար Ստեփան Թարոյանի հետ միասին քննարկում էին, զինվորականների և վետերանների ձեռքերով կառուցվող մատուռի հետ կապված հարցերը:

Կեսօրին զորամասի շարահրապարակում մեկնարկեց Մատաղիսի զորամասի 22 ամյակին նվիրված միջոցառումը: Ապրիլյան պատերազմի օրերում աչքի ընկած, Մատաղիսի պաշտպանական շրջանի սպաներն արժանացան ՂՊՎՄ «հայրենիքի պաշտպանության համար» մեդալին: Նահատակված հայորդիների մեդալները՝ հետմահու փոխանցվեցին նրանց ընտանիքների ներկայացուցիչներին: Միջոցառման 1-ին մասն ավարտվեց զորահանդեսով:

Միջոցառումն ընդմիջվեց ճաշով, որի ժամանակ, մատուռի խաչի օծման արարողության առիթով, ՂՊՎՄ նախագահ Ստեփան Թարոյանի նախաձեռնությամբ, ճաշին մասնակցող զինվորներին ու հյուրերին մատաղ մատուցվեց:
    
    

Հանդիսության 2-րդ մասը մեկնարկեց, զինծառայության մեջ աչքի ընկած շարքայինների և սերժանտների պարգևատրությամբ, որքեր արժանացան ՂՊՎՄ պատվոգրերի, շնորհակալագրերի և խրախուսական նվերների: Զորամասի հրամանատարի կողմից մի շարք զինվորներ արժանացան խրախուսական նամակների, կրծքանշանների, կոչումների և ժամացույցների: Այնուհետև մեկնարկեց միջոցառման համերգային մասը, որի հեղինակները զինվորներին ոգևորեցին ռազմահայրենասիրական ոգի սերմանող իրենց ասմունքով և երաժշտական կատարումներով:

Սեպտեմբերի 6-ին, «Դուք մենակ չեք» նախաձեռնության հեղինակներն ու մասնակիցները այցելեցին Դադիվանք, որտեղից էլ վերադարձան Երևան:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
9112 | 0 | 0
Facebook