Խնդրում ենք սպասել...

Հոդվածներ

Ուխտի Պատարագ և տոնական օր` Ներքին Դվինի սուրբ Հարություն եկեղեցում .«Հայորդի» ամսաթերթ

Հայորդի ամսաթերթ
Մամուլի խոսնակ`
Հայորդի ամսաթերթ
14:59, շաբաթ, 22 հուլիսի, 2017 թ.
Ուխտի Պատարագ և տոնական օր` Ներքին Դվինի սուրբ Հարություն եկեղեցում .«Հայորդի» ամսաթերթ

Մայիսի 3-ին լրացավ Դվինի Սբ. Հարություն եկեղեցու օծման 17-րդ տարեդարձը: Օրն սկսվեց տոնական` ուխտի Պատարագով, որը մատուցեց Մխչյանի սուրբ Հովհաննես եկեղեցու հոգևոր հովիվ Տեր Միքայել քահանա Նուրիջանյանը, ով այստեղ էր եկել համայնքի անդամների հետ միասին:

Իր հավատացյալների խմբի հետ ուխտ էր եկել նաև Արևշատի սուրբ Աստվածածին եկեղեցու հոգևոր հովիվ Տեր Հովսեփ քահանա Սարգսյանը:

Սուրբ Հարություն եկեղեցու հիմնօրհներքը կատարվել է 1996 թ.` ձեռամբ երջանկահիշատակ Գարեգին Ա Ամենայն Հայոց կաթողիկոսի: Խորհրդային իշխանության փլուզումից հետո սա առաջին եկեղեցին էր, որի հիմքերը դրվեցին: Գարեգին Ա կաթողիկոսը ոգևորված ասել է, թե մեր եկեղեցին կրկին հարություն է առել, և այդ ժամանակ էլ որոշվել է եկեղեցին անվանել Սուրբ Հարություն: Եկեղեցին կառուցվել է այժմ Ուկրաինայում բնակվող, գյուղի նախկին բնակիչ Սամվել Տիգրանյանի բարերարությամբ: Սրբավայրն օծվել է 2000 թ.` ձեռամբ Գարեգին Բ Ամենայն Հայոց կաթողիկոսի:

Պատարագի ավարտին ներկաները ճաշակեցին տոնական տորթը և այլ քաղցրավենիքներ, մասնակցեցին համերգային ծրագրին:

Իրենց ուրախ կատարումներով հանդես եկան Տիգրան և Վարդան Թադևոսյանները, Լուիզա և Լիանա Մուրադյանները, ինչպես նաև` սուրբ Հարություն եկեղեցու «Հայորդի» և սուրբ Հովհաննես եկեղեցու «Վերածնունդ» պարախմբերը:


    

Մարիա ԱՌԱՔԵԼՅԱՆ

«Հայորդի» լրագրողական ակումբ


    

«Հայորդի» երիտասարդական, հոգևոր, մշակութային ամսաթերթ Թիվ 5, մայիս 2017թ.
    
    

https://www.facebook.com/profile.php?id=100015880478066&ref=ts&fref=ts

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
5174 | 0 | 0
Facebook