Խնդրում ենք սպասել...

Հոդվածներ

Սուրբ Ծննդյան Հրաշափառ Ավետիսը համախմբել էր Ախթալայի Սուրբ Աստվածածին եկեղեցու հավատավոր ժողովրդին

20:12, հինգշաբթի, 12 հունվարի, 2017 թ.
Սուրբ Ծննդյան Հրաշափառ Ավետիսը համախմբել էր Ախթալայի Սուրբ Աստվածածին եկեղեցու հավատավոր ժողովրդին

Սուրբ Ծննդյան Հրշափառ Ավետիսը համախմբել էր Ախթալայի Սուրբ Աստվածածին եկեղեցու հավատավոր ժողովրդին։ Չնայած հունվարյան ցուրտ երեկոյին՝ Սուրբ Ծննդյան Ճրագալույցի Պատարգին ջերմացել էր եկեղեցին, ուր հնչում էր մաքրամաքուր աղոթքն ու ջերմացնում ոչ միայն մարդկային հոգիներն, այլև ցուրտ օդը։ Պատարագին ներկա էին Ախթալայի քաղաքապետ Հայկ Խաչիկյանը և ավագանու անդամները, Ախթալայի երկու դպրոցների տնօրենները, Շնող, Շամլուղ և Ճոճկան համայնքների ղեկավարները, ինչպես նաև ՀՀ ԱԺ փոխնախագահ Էդուարդ Շարմազանովը, ով այս տարի դարձավ եկեղեցու խաչքավորը։
     Հաջորդ օրը նույնպես, եկեղեցին լեփ-լեցուն էր հավատացյալներով։ Սուրբ Պատարագի ավարտին կատարվեց ջրօրհնեքի արարողություն։ Պատարագիչ հոգևորականը՝ Ախթալայի և տարածաշրջանի հոգևոր հովիվ Տ․Հեթում քհն․ Թարվերդյանն իր քարոզում, տալով մեր Տիրոջ Հրաշափառ Ծննդյան Ավետիսը, նշեց, որ մեզանից յուրաքանչյուրը պետք է իր մեջ կրի մանուկ Հիսուսի մաքրամաքուր ժպիտն ու լուսավորվի դրանով։ Որ Սուրբ Ծննդյան Ավետիսը ևս մեկ առիթ պետք է լինի՝ նորոգության, վերազարթոնքի և հոգևոր նոր ապրումների։
     Այնուհետև եկեղեցու խաչքավոր Էդուարդ Շարմազանովի աջակցությամբ ժողովրդին բաժանվեց մատաղ։

Քրիստոս Ծնաւ եւ Յայտնեցաւ, Օրհնեալ է Յայտնութիւնն Քրիստոսի

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
6169 | 0 | 0
Facebook