Երևանի քաղաքապետ Տարոն Մարգարյանը իր ֆեյսբուքյան էջում գրում է.
«Այսօր մեկնարկեց առաջին անգամ անցկացվող շախմատի «Երևան օփեն» միջազգային բաց մրցաշարը, որը կանցկացվի մայրաքաղաքում հոկտեմբերի 1-10-ը:
Մրցաշարի շրջանակում Երևանը հյուրընկալել է Եվրոպայի շախմատի միության նախագահին, 11 երկրի 140 շախմատիստների, որոնց թվում՝ 23 միջազգային գրոսմայստեր և 9 միջազգային վարպետ, ովքեր եկել են մեր ջերմ ու արևի քաղաք Երևան՝ մասնակցելու միջազգային մրցաշարին:
Վստահ եմ, որ առաջին անգամ Երևանում գտնվողները կրկին գալու են այստեղ` արդեն որպես բարեկամ:
Բարի ընթացք եմ մաղթում «Երևան օփեն» -ի բոլոր մասնակիցներին:
»