Խնդրում ենք սպասել...

Հոդվածներ

ԴԱՅԱԿՆԵՐԻ ՄԱՍՆԱԳԻՏԱԿԱՆ ՈՒՍՈՒՑՈՒՄ ԵՒ ՎԵՐԱՊԱՏՐԱՍՏՈՒՄ

11:27, երկուշաբթի, 26 սեպտեմբերի, 2016 թ.
ԴԱՅԱԿՆԵՐԻ ՄԱՍՆԱԳԻՏԱԿԱՆ ՈՒՍՈՒՑՈՒՄ ԵՒ ՎԵՐԱՊԱՏՐԱՍՏՈՒՄ

«ԱՅԳ» հոգեբանական ծառայությունների կենտրոնի մասնագետները, հաշվի առնելով գործատուների ցանկությունները և աշխատանքին ներկայացվող մասնագիտական պահանջները, մշակել են ծրագիր՝ նպատակ ունենալով պատրաստել կիրթ, բանիմաց, հմուտ, գործատուների կողմից միշտ պահանջված, վստահելի դայակներ:
    

Դայակների մասնագիտական ուսուցման և վերապատրաստման դասընթացի բազային գիտելիքների և հմտությունների ձևավորման փուլը կազմում է 64 ժամ: Տվյալ դասընթացը օգտակար է բոլոր նրանց համար, ովքեր ուզում են աշխատել կամ արդեն իսկ աշխատում են՝ որպես դայակ: Դասընթացի նպատակն է ձևավորել դայակի համար անհրաժեշտ մասնագիտական որակներ և հմտություններ: Դայակները ձեռք կբերեն առաջին բուժօգնության և հոգեբանա-մանկավարժական պատրաստվածություն:
    

Այս դասընթացը կարող է օգտակար լինել նաև մանկավարժների, հոգեբանների և ծնողների համար՝ ձեռք բերելու երեխայի խնամքին, դաստիարակությանն առնչվող կարևոր գիտելիքներ:

Դասընթացն անցկացվում է փոքր խմբերով՝ նպատակ ունենալով ցուցաբերել անհատական մոտեցում յուրաքանչյուր մասնակցին:
    

Ծրագիրը բաղկացած է 4 փուլից.

1-ին Փուլ – Դայակի տեղն ու դերը ընտանիքում, պարտականություններն ու իրավունքները, մասնագիտական էթիկան:

Տվյալ փուլը միտված է խորացնելու և համալրելու մասնակիցների գիտելիքները մասնագիտական գործունեության և ընտանեկան հարաբերությունների վերաբերյալ, ձևավորել միջանձնային արդյունավետ հարաբերությունների կառուցման և պրոբլեմային իրավիճակների հաղթահարման համար անհրաժեշտ հմտություններ և կարողություններ:
    

2-րդ Փուլ- Երեխայի հոգեբանություն: Մեծանում և զարգանում ենք /0-ից-3տ./ և /3-ից-6 տ./

Տվյալ փուլն ուղղված է վաղ և նախադպրոցական տարիքի երեխաներ ունեցող ընտանիքներում աշխատող դայակի հոգեբանամանկավարժական բանիմացության, մասնագիտական որակների և հմտությունների ձևավորմանը: Մասնակիցները կծանոթանան տարբեր տարիքի երեխաների հոգեբանությանը, կիմանան, թե ինչ պայմաններ են անհրաժեշտ երեխայի բնականոն և լիարժեք զարգացման համար, ինչ օգտակար խաղեր կարելի է կիրառել տվյալ տարիքի երեխաների հետ աշխատանքում, ինչպես օգնել ընտանիքին մեծացնել խելացի, հետաքրքրասեր, շփվող և կենսուրախ երեխա:
    

3-րդ փուլ –Առաջին բուժօգնություն: Ռեժիմ: Սննդակարգ:

Տվյալ փուլն ուղղված է առաջին բուժօգնության, օրվա ռեժիմի առանձնահատկությունների, սննդի ու սննդակարգի վերաբերյալ պրակտիկ հմտությունների ձեռքբերմանն ու մշակմանը:
    

4-րդ փուլ- Ժամանակակից հոգեբանական տեխնիկաների և հնարքների կիրառումը երեխայի զարգացման և դաստիարակության հարցում: Պրակտիկում

Տվյալ փուլը ներառում է տարբեր տարիքային խմբերին համապատասխան զարգացնող վարժությունների, խաղերի ուսուցում, ձեռքի աշխատանքների հմտությունների զարգացում և այլ պրակտիկ իմացություններ, որոնք անհրաժեշտ են երեխայի զարգացման տարբեր փուլերի ընթացքում:
    

Դասընթացի յուրաքանչյուր փուլի արժեքը՝ 19.000 դրամ:

Բոլոր փուլերին գրանցվելու և մասնակցելու դեպքում ամբողջական արժեքը՝ 72.000 դրամ:

Դասընթացին գրանցվելու կամ մանրամասներին տեղեկանալու համար զանգահարեք հետևյալ հեռախոսահամարներով՝ 010 58 18 14, 077 58 18 14, 096 58 18 14:

Հասցե՝ Մաշտոցի 40:

Էլ.փոստ՝ info@hogeban.am
    

Դայակների մասնագիտական ուսուցման և վերապատրաստման դասընթացի ամբողջական ծրագրին կարող եք ծանոթանալ նշվածwww.hogeban.am կայքում:

Աղբյուրը` www.hogeban.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
5829 | 0 | 0
Facebook