Քիչ առաջ Հայկական ազգային կինոակադեմիայում քննարկվում էր, թե որ ֆիլմով է Հայաստանը ներկայանալու «Օսկար» ամենամյա կինոմրցանակաբաշխությանը` «Լավագույն օտարալեզու ֆիլմ» անվանկարգի համար: Հայկական ազգային կինոակադեմիան ստացել էր երեք հայտ, որոնք էին Դավիթ Սաֆարյանի «Տաք երկիր, ցուրտ ձմեռ», Սարիկ Անդրեասյանի «Երկրաշարժ» եւ Ջիվան Ավետիսյանի «Վերջին բնակիչը» ֆիլմերը: Կինոմատոգրաֆիստների կազմակերպած երկու փուլով քվեարկության արդյունքում հաղթեց «Երկրաշարժ» ֆիլմը: Սակայն, որոշումը հարթ չանցավ, քանի որ ընտրությունը կանգ էր առել երկու ֆիլմերի վրա` «Երկրաշարժի» եւ «Վերջին բնակիչը» ֆիլմի: Ի վերջո, 9 դեմ եւ 6 կողմ ձայների հարաբերակցությամբ այդպես էլ չընտրվեց «Վերջին բնակիչը»:
Ի դեպ, վերոնշյալ ընտրությանը դեմ էր Կինոմատոգրաֆիստների միության նախագահ, ռեժիսոր ՌՈՒԲԵՆ ԳԵՎՈՐԳՅԱՆՑԸ: Ավելին` ըստ նրա, «Երկրաշարժ» ֆիլմը հակահայկական է: Առավել մանրամասն` շուտով:
ԼԻԼԻԹ ԵՂԻԱԶԱՐՅԱՆ
http://iravunk.com/news/9720
