Խնդրում ենք սպասել...

Հոդվածներ

Զինված ուժերում ծառայող հոգևորականներին մինչև 300 հազար դրամ կվճարվի

Эндрю Арутюн
Հեղինակ`
Эндрю Арутюн
19:00, չորեքշաբթի, 21 հոկտեմբերի, 2015 թ.
Զինված ուժերում ծառայող հոգևորականներին մինչև 300 հազար դրամ կվճարվի
     Զինված ուժերում ծառայություն իրականացնող հոգևորականներին կառավարության որոշմամբ այսուհետ գումար կվճարվի: Կառավարության վաղվա նիստի օրակարգում ընդգրկված որոշման նախագծի համաձայն՝ ամեն ամիս հոգևորականները կստանան 125-300 հազար դրամ գումար, որը ձևակերպվել է որպես կենսապահովման ամսական ծախս:
     Մասնավորապես, զինված ուժերի հոգևոր ծառայության առաջնորդն ամսական կստանա 300 հազար, հոգևոր ծառայության փոխառաջնորդը՝ 225 հազար, զորամիավորման հոգևոր ծառայության առաջնորդը՝ 200-225 հազար, առաջին կարգի զորամասի հոգևոր ծառայության սպասավորը՝ 165-200 հազար, երկրորդ կարգի զորամասի հոգևոր ծառայության սպասավորը՝ 150-175 հազար և երրորդ կարգի զորամասի հոգևոր ծառայության սպասավորը՝ 125-150 հազար դրամ:
     Կառավարությունն այս որոշման ընդունման անհրաժեշտությունը հիմնավորում է հետևյալ կերպ. «ՀՀ պաշտպանության նախարարության և Մայր Աթոռի միջև ձեռք բերված պայմանավորվածության համաձայն՝ սկսած 1997 թվականից Հայ Առաքելական Եկեղեցու հոգևոր սպասավորները մշտական հիմունքներով հոգևոր ծառայություն են իրականցնում ՀՀ զինված ուժերի զորամասերում: Ներկայումս նշված ծառայողների ընդհանուր թվաքանակը կազմում է 51 հոգևորական, վերջիններս ծառայության դիմաց որևէ վարձատրություն չեն ստանում` համապատասխան հաստիքների բացակայության պատճառով: Նախատեսվում է հոգևոր ծառայության դիմաց սահմանել ամսական կենսաապահովման ծախսերի չափերը, ինչպես նաև բնակելի տարածության վարձակալության համար դրամական փոխհատուցում տրամադրելու կարգը»
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
4758 | 0 | 0
Facebook