«Լիվերպուլի» նախկին հարձակվող Էլ Հաջի Դիուֆը թիմի նախկին ավագ Սթիվեն Ջերարդին մեղադրել է սևամորթների հանդեպ հակակրանքի մեջ: Նշենք, որ Դիուֆը «Լիվերպուլի» կազմում հանդես է եկել 2002-2005 թվականներին: Օրերս Ջերարդը հայտարարել էր, որ թիմի նախկին սևամորթ հարձակվող Մարիո Բալոտելին երբեք համաշխարհային մեծության աստղ չի դառնա:
«Բոլորը կարող էին տեսնել, թե ինչպես Ջերարդը Բալոտելիի կյանքը «Լիվերպուլում» անտանելի դարձրեց: Իսկ ես Մարիոյին զգուշացրել էի. «Լիվերպուլը» այն ակումբը չէ, որը գրկաբաց է ընդունում սևամորթներին: Եթե վերջիններս անգլիացիներ չեն, ապա ոչ մի հնարավորություն չունեն», ասել է Դիուֆը: